«حالقىمىزدى جاڭا جىلدى ۇيدە قارسى الۋعا شاقىرامىن. بۇل بولاشاقتا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن وتە ماڭىزدى. بيىل بارىنە قيىن بولدى, دەگەنمەن, ەگەر ءبىز بارلىق شارالاردى - ماسكا تاعىپ, اراقاشىقتىق ساقتايتىن بولساق, جاعداي جاقسارادى جانە تۇراقتانادى», - دەدى جاننا پىراليەۆا.
ەلوردا قازىر «سارى» ايماقتا. وتكەن تاۋلىكتە قالادا كۆي اۋرۋىنىڭ 60 جاڭا جاعدايى انىقتالدى. قوعامدىق دەنساۋلىق ساقتاۋ باسقارماسىنىڭ حابارلاۋىنشا, قىس باستالعالى بەرى نۇر-سۇلتاندا ورتا ەسەپپەن كۇنىنە COVID-19 اۋرۋىنىڭ 79 جاعدايى تىركەلدى. قازىر قالاداعى جۇقپالى اۋرۋلار ستاتسيونارلارىندا 204 ادام جاتىر.
قالادا اۋرۋشاڭدىق جوعارىلاعان جاعدايدا 7 مىڭ ورىندىق 18 نىسان بىرتىندەپ قايتا بەيىمدەلەدى. COVID-19 ءۇشىن بيوماتەريال جيناۋعا ارنالعان زەرتحانالار سانى 19-عا دەيىن كوبەيتىلدى, ولاردىڭ جالپى قۋاتتىلىعى تاۋلىگىنە 12 مىڭ تەستىلەۋ.
سونداي-اق باس سانيتارلىق دارىگەر بيزنەستىڭ جاڭا جۇمىس رەجيمى تۋرالى ايتتى. اتاپ ايتقاندا, جاڭا جىلدىق كەشتەرگە, كورپوراتيۆتەرگە جانە باسقا دا بىرقاتار شارالارعا تىيىم سالىندى. ساۋدا الاڭى 2 مىڭ شارشى مەتردەن اساتىن تاماق ونىمدەرىن ساتاتىن گيپەرماركەتتەر مەن سۋپەرماركەتتەر تاۋلىك بويعى جۇمىس رەجيمىنە كوشتى. سونداي-اق 26 جەلتوقساننان باستاپ كينوتەاترلار كۇشەيتىلگەن سانيتارلىق-ەپيدەميولوگيالىق نورمالاردى ساقتاي وتىرىپ, كورەرمەندەردى قاتاردىڭ بويىمەن ەكى ورىندىق سايىن جانە قاتارلار اراسىندا شاحمات تارتىبىمەن وتىرعىزۋ, ورىن سانىن 30%-دان اسىرماۋ شارتتارىمەن اشىلادى. كينوتەاترلاردىڭ جۇمىس, دەمالىس جانە مەرەكە كۇندەرىندەگى جۇمىس ۋاقىتى 10.00-دەن 24.00-گە دەيىن, ەشقانداي اكتسيالارسىز. سونىمەن قاتار كافە مەن مەيرامحانالاردىڭ جۇمىس ۋاقىتى 24.00-گە دەيىن ۇزارتىلدى.
نۇر-سۇلتاندا كارانتين جانە شەكتەۋ شارالارىنىڭ ساقتالۋى بويىنشا كاسىپكەرلىك سۋبەكتىلەرىنە مونيتورينگ جالعاستىرۋدا. 5 شىلدەدەن باستاپ اۋداندىق سانيتارلىق-ەپيدەميولوگيالىق باقىلاۋ باسقارمالارى اكىمشىلىك جاۋاپكەرشىلىكتى بۇزعانى ءۇشىن 1380 جەكە, لاۋازىمدى جانە زاڭدى تۇلعالارعا جالپى سوماسى 270 936 114 تەڭگە ايىپپۇل سالدى.
