شارا اياسىندا «سسزي» اق باسقارما توراعاسى ايىمدوس بوزجىگىتوۆ قازاقستان ءۇشىن ەلەۋلى قىزىعۋشىلىق تۋدىراتىن وزەكتى پروبلەمالار بويىنشا اعىمداعى جىلى ينستيتۋت جۇرگىزگەن كولەمدى جانە جان-جاقتى عىلىمي-تالداۋ جۇمىسى تۋرالى حاباردار ەتتى.
ەلىمىزدىڭ سىرتقى ساياساتىنىڭ وزەكتى باعىتتارىن ىسكە اسىرۋ بويىنشا پراكتيكالىق ۇسىنىمداردى ازىرلەۋ كەزىندە باسشىلىققا ۇنەمى ۇسىنىلاتىن جانە نازارعا الىناتىن بولجامدىق-تالداۋ قۇجاتتارىنىڭ سيپاتى ءسوز بولدى.
اتالعان قۇجاتتاردىڭ اۋقىمى گەوساياسات, ەكونوميكا, ەنەرگەتيكا, ادام قۇقىقتارى, ەكولوگيا, كوشى-قون, قاۋىپسىزدىك سالالارىن, ەكىجاقتى جانە كوپجاقتى ىنتىماقتاستىقتىڭ باسقا دا باعىتتارىن قامتىدى.
سەنات توراعاسىنىڭ ورىنباسارى ءوز سوزىندە ينستيتۋتتىڭ جۇمىسىنا وڭ باعا بەرىپ, تاجىريبەلى ديپلوماتتاردان, سونىڭ ىشىندە توتەنشە جانە وكىلەتتى ەلشىلەردەن تۇراتىن ونىڭ ۇجىمىنىڭ جوعارى كاسىبيلىگىن اتاپ ءوتتى.
اتالعان جۇمىس ەلدىڭ 2020-2030 جىلدارعا ارنالعان سىرتقى ساياسات تۇجىرىمداماسىنىڭ ەرەجەلەرىنە نەگىزدەلەدى, ول قازىرگى زامانعى سىن-قاتەرلەر تۇرعىسىنان العاندا ءىس-قيمىل باعدارلاماسى بولىپ تابىلادى. وسىعان بايلانىستى الداعى جىلى ينستيتۋت ەل باسشىلىعى قويعان مىندەتتەر اياسىندا جۇمىستىڭ باسىم باعىتتارىن انىقتاۋعا ءتيىس.
تمد مەملەكەت باسشىلارى كەڭەسىنىڭ وتىرىسىندا سويلەگەن سوزىندە پرەزيدەنت قاسىم-جومارت توقاەۆ حالىقارالىق قاۋىپسىزدىك پەن تۇراقتىلىقتى قامتاماسىز ەتۋدىڭ وزەكتىلىگىن اتاپ ءوتىپ, «مەملەكەتارالىق قاتىناستاردىڭ شيەلەنىسۋ جانە ءوزارا سەنىمسىزدىك جاعدايىندا ورنىقتى دامۋ مەن ىلگەرىلەۋ مۇمكىن ەمەس» ەكەنىن اتاپ ءوتتى.
«قالىپتاسىپ وتىرعان جاعدايدا اۋماقتىق تۇتاستىق پەن ەگەمەندىكتى قامتاماسىز ەتۋ, اسىرەسە ولاردى مازمۇندىق تۇرعىدان بايىتۋ ماسەلەلەرى ەرەكشە نازار اۋدارۋدى تالاپ ەتەدى. شەكارا ماڭى بايلانىستارى, ترانسشەكارالىق سۋ رەسۋرستارىن بىرلەسىپ پايدالانۋ, ەسىرتكى ترافيگىنە قارسى كۇرەس, ادام ساۋداسى جەلىسى بويىنشا وڭىرلىك ىنتىماقتاستىقتى جەتىلدىرۋ دە اسا ماڭىزدى. جوعارىدا اتالعان كۇن ءتارتىبى مەملەكەت باسشىسىنىڭ اوسشك-ءتى ازياداعى قاۋىپسىزدىك پەن دامۋ جونىندەگى تولىققاندى ۇيىمعا اينالدىرۋ جوسپارى اياسىندا ەرەكشە ماڭىزعا يە بولىپ وتىر», - دەدى ا.شاكىروۆ.
مينيستر م.تىلەۋبەردى جىل قورىتىندىسىن شىعارا وتىرىپ, ينستيتۋتتىڭ جاھاندىق ساياساتتاعى, الەمدىك ەكونوميكاداعى جانە حالىقارالىق قاۋىپسىزدىكتەگى وزەكتى ترەندتەردى زەرتتەۋدەگى قىزمەتىنىڭ جوعارى ناتيجەلەرىن اتاپ ءوتتى. سونداي-اق, ەلدىڭ ۇلتتىق مۇددەلەرىن ءتيىمدى قورعاۋ ءۇشىن الەمدىك جانە وڭىرلىك پروتسەستەرگە جوعارى ساپالى عىلىمي-زەرتتەۋ ساراپتاماسىن جۇرگىزۋدىڭ ماڭىزدىلىعىنا توقتالدى.
ينستيتۋتقا قر-نىڭ شەتەلدەردەگى مەكەمەلەرىمەن, سونداي-اق ۇقساس شەتەلدىك زەرتتەۋ ورتالىقتارىمەن تىعىز جانە تۇراقتى بايلانىس ورناتۋ ۇسىنىلدى.
كەزدەسۋ قورىتىندىسى بويىنشا «سسزي» اق ءوزىن ەلدىڭ سىرتقى ساياسي باعىتىن ساراپتامالىق تۇرعىدا قولداۋ جونىندەگى «اقىل-وي ورتالىعى» رەتىندە كورسەتە ءبىلدى دەگەن ورتاق پىكىر ايتىلدى.
