اكتسيا ۇيىمداستىرۋشىلارى جالعىز باستى زەينەتكەرلەر مەن ارداگەرلەرگە, كوپ بالالى جانە مۇقتاج وتباسىلارعا, سونداي-اق ومىردە قيىن جاعدايعا تاپ بولعان ادامدارعا قولداۋ ءبىلدىرىپ, كومەك كورسەتتى. اتاپ ايتقاندا, ەستافەتاعا ايەلدەر ءىسى جانە وتباسىلىق-دەموگرافيالىق ساياسات جونىندەگى كوميسسيا قوسىلدى. ونىڭ وكىلدەرى «انا ءۇيى» قوعامدىق قورىنىڭ انالار ۇيىنە باردى. كەزدەسۋ بارىسىندا بىرقاتار ماسەلە شەشىلدى. ۇەۇ ماماندارى انالارعا قۇقىقتىق جانە پسيحولوگيالىق ماسەلەلەر بويىنشا كەڭەس بەرەدى. سونداي-اق ورتالىقتىڭ قامقورلىعىنداعى جاندارعا كاسىپ پەن ءىس جۇرگىزۋدى ۇيرەتەدى. كەزدەسۋ بارىسىندا قور ۇجىمىنا العىس حاتتار مەن سىيلىقتار تابىس ەتىلدى.
نۇر-سۇلتان قالاسى اكىمدىگىنىڭ مالىمەتىنشە, «استانا جاستارى» جاستار رەسۋرستىق ورتالىعىنىڭ ەرىكتىلەرى دە قايىرىمدىلىق جوباسىنا بەلسەنە قاتىستى. 500-گە جۋىق ەرىكتى جالعىزباستى ارداگەرلەر مەن زەينەتكەرلەرگە اۋلاسىنان قار شىعارىپ, وتىن جارۋعا كومەكتەستى. كومەككە مۇقتاج جانە كوپ بالالى 100 وتباسى, مۇمكىندىگى شەكتەۋلى ادامدار, زەينەتكەرلەر, ارداگەرلەر كومەك الدى. ءار سەبەتكە شامامەن 30 كيلو ازىق-ت ۇلىك سالىنعان. ونىڭ ىشىندە ەڭ قاجەتتى ونىمدەر – ءداندى-داقىلدار, ماكارون, كۇنباعىس مايى جانە شاي بار. سونداي-اق اكتسيا اياسىندا جاستار قىستا كوممۋنالدىق قىزمەتكەرلەرى مەن قالا تۇرعىندارىنا ەلوردا كوشەلەرىندە ىستىق شاي مەن باۋىرساقتار تاراتتى.
«جاس سارباز» بالالار مەن جاسوسپىرىمدەر قوزعالىسىنىڭ تاربيەلەنۋشىلەرى دە بۇل يگى ءىستى قولدادى. ولار قورعانىس مينيسترلىگىنىڭ اسكەري دارىگەرلەرىنە 30 ازىق-ت ۇلىك جيىنتىعىن بەردى. ءىس-شارا قازاقستان قارۋلى كۇشتەرىنىڭ اسكەري-پاتريوتتىق ورتالىعى مەن Magnum ساۋدا ورتالىعىنىڭ قولداۋىمەن ءوتتى. سونداي-اق ولار ارداگەرلەرگە دە قولعابىس ەتتى. ەگدە جاستاعى ادامدارعا ازىق-ت ۇلىك سەبەتتەرى جەتكىزىلىپ, ءۇي اۋلاسىنان قار شىعارۋعا كومەكتەستى.
«جىل سايىن, قىستا, قاتتى اياز بەن بورانعا قاراماستان تىنىمسىز ەڭبەك ەتەتىن ادامدار بار. ولاردىڭ وسىنداي ەڭبەگىنە العىس رەتىندە اتالعان اكتسيا ۇيىمداستىرۋدى شەشتىك», دەدى «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى رقب ەلوردالىق فيليالىنىڭ توراعاسى اسحات نالشىبەك.
نۇر-سۇلتان قالاسىنداعى «رۋحاني جاڭعىرۋ» جوبالىق كەڭسەسى وكىلدەرى №90 مەكتەپ-گيمنازياسىنا 30 كىتاپ سىيلادى. بارلىق كىتاپ «رۋحاني جاڭعىرۋ» جوباسى اياسىندا تۋعان ولكەنىڭ تاريحي ءھام مادەني مۇراسىن زەرتتەۋ ماقساتىندا شىعارىلدى. اتاپ ايتقاندا, «قاسيەتتى قازاقستان» كىتابىندا كيەلى جەرلەر مەن ەلدىڭ مادەني مۇراسى تۋرالى باياندالادى.
«كىتاپ – بالانى دامىتاتىن نەگىزگى قۇرالداردىڭ ءبىرى. سوندىقتان مەكتەپكە ءۇش تىلدە جازىلعان 30 كىتاپ بەرەمىز. الداعى ۋاقىتتا بۇل يگى ءىستىڭ جالعاساتىنىنا سەنىمدىمىن», دەپ اتاپ ءوتتى «رۋحاني جاڭعىرۋ» جوبالىق كەڭسەسى ديرەكتورىنىڭ ورىنباسارى جازيرا ناريمانقىزى.
«30 يگى ءىس» كورمەسىنە قازاقستاندىق ارتىستەر دە قاتىسىپ, كوپ بالالى وتباسىلاردى ارالاپ, ولارعا ازىق-ت ۇلىك تاراتتى. سونداي-اق قازاقستان حالقى اسسامبلەياسىنىڭ وكىلدەرى «پاراسات» قايىرىمدىلىق ورتالىعىمەن بىرلەسە وتىرىپ, مۇقتاج 50 وتباسىنا ازىق-ت ۇلىك سەبەتتەرىن جەتكىزدى.
