اتاپ ايتقاندا, ازەربايجان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى الي اليزادەمەن كەزدەسۋ بارىسىندا تاراپتار تۇركى ەلدەرى ىنتىماقتاستىعى اياسىندا اتقارىلىپ جاتقان جۇمىستاردى تالقىلاپ, الداعى جوسپارلار تۋرالى پىكىر الماستى.
ەلشى مىرزا اكادەميا تاراپىنان اتقارىلىپ جاتقان جۇمىستارعا ريزاشىلىعىن ءبىلدىرىپ, الداعى ۋاقىتتا بىرلەسىپ اتقارار جوبالارعا قولداۋ كورسەتەتىنىن جەتكىزدى.
ءوز كەزەگىندە, دارحان قىدىرالى ءىلتيپات كورسەتكەن ازەربايجان ەلشىسىنە العىس ايتىپ, اكادەميانىڭ باسىپ شىعارعان بىرقاتار باعالى ەڭبەكتەرىن تارتۋ ەتتى.
سونىمەن قاتار, اكادەميا باسشىسى قازاقستان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى اقان راحمەتۋللين, تۇركيا رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى مۋستافا يۋرداكۋلمەن ەكى جاقتى كەزدەسۋلەر وتكىزدى.
ەلشىلەرمەن بولعان كەزدەسۋلەردە تاراپتار باۋىرلاستىق بايلانىستاردى نىعايتۋدا تۇركى اكادەمياسىنىڭ ماڭىزدىلىعىن اتاپ ءوتتى.
