ايماقتار • 24 جەلتوقسان, 2020

«Shymkentاqparat.kz» جاڭا اقپاراتتىق پورتالىنىڭ تانىستىرىلىمى ءوتتى

352 رەت كورسەتىلدى

شىمكەنت قالاسى اكىمدىگى جانىنداعى بۇقارالىق اقپارات قۇرالدارىمەن ءوزارا ءىس-قيمىل جونىندەگى كەڭەستىڭ كەزەكتى وتىرىسى ءوتتى, دەپ حابارلايدى Egemen.kz

«Shymkentاqparat.kz» جاڭا اقپاراتتىق پورتالىنىڭ تانىستىرىلىمى ءوتتى

قالا اكىمىنىڭ ءبىرىنشى ورىنباسارى شىڭعىس مۇقاننىڭ توراعالىعىمەن وتكەن ماجىلىسكە جەرگىلىكتى ءباسپاسوز باسىلىمدارىنىڭ باس رەداكتورلارى مەن تەلەارنا باسشىلارى, اقپاراتتىق پورتال جەتەكشىلەرى مەن جۋرناليستەر قاتىستى.

– وزدەرىڭىزگە بەلگىلى, شىمكەنت قالاسى اكىمدىگى جانىنداعى بۇقارالىق اقپارات قۇرالدارىمەن ءوزارا ءىس-قيمىل جونىندەگى كەڭەس قۇرىلىپ, 2020 جىلدىڭ 9 قاراشاسى كۇنى العاشقى وتىرىسى وتكىزىلگەن بولاتىن. سول كەڭەستە شىمكەنت قالاسىنىڭ دەنساۋلىق ساقتاۋ, ەنەرگەتيكا جانە كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى باسقارمالارىنىڭ ەسەپتەرى تىڭدالدى. بۇگىنگى كەڭەستىڭ كۇن تارتىبىنە سايكەس, «Shymkentاqparat.kz» دەپ اتالاتىن جاڭا اقپاراتتىق پورتالدى تانىستىرماقپىز. بۇل سايت تۇرعىندارعا رەسمي اقپارات تاراتۋمەن قاتار, مەگاپوليسكە قاتىستى مازمۇندى, تاريحي-تانىمدىق, ساراپتامالىق ماقالالاردى ۇسىنباق. رەسمي اقپاراتتىق قولداۋ – شىمكەنت قالاسى اكىمىنىڭ ءباسپاسوز قىزمەتى, «شىمكەنت كەلبەتى» گازەتىنىڭ رەداكتسياسى جانە شىمكەنت قالاسىنىڭ «اقپاراتتىق كوممۋنيكاتسيالىق ورتالىعى» تاراپىنان بولادى, دەدى شىڭعىس مۇقان.

جيىندا شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارماسى «اقپاراتتىق كوممۋنيكاتسيالىق ورتالىعىنىڭ» ديرەكتورى نۇربول ورىمباي اقپاراتتىق پورتالدى ىسكە قوسۋداعى نەگىزگى ماقساتى تۋرالى بايانداپ ءوتتى.

– جالپى شىمكەنت قالاسىندا 40 شاقتى ءتۇرلى باعىتتاعى جەرگىلىكتى سايت تىركەلگەن. ولاردىڭ ىشىندە شىمكەنت قالاسى اكىمدىگىنىڭ «shymkent.gov.kz» سايتى دا بار. ول سايت تەك رەسمي اقپارات تاراتۋمەن شەكتەلسە, «shymkentaqparat.kz» پورتالىنىڭ شىعارماشىلىق اياسى كەڭ, اۋديتورياسى ۇلكەن. وسى رەتتە سايتتىڭ بارلىق الەۋمەتتىك جەلىدە پاراقشالارى مەن جەكە «youtube» ارناسى اشىلدى, – دەدى نۇربول ورىمباي.

ماجىلىستە باق سالاسىنىڭ جانە قالامىزدىڭ الەۋمەتتىك-ەكونوميكالىق دامۋىنا ەلەۋلى ۇلەس قوسقان بىرقاتار ازاماتتار قر پرەزيدەنتىنىڭ قۇرمەت گراموتاسىمەن, شىمكەنت قالاسى اكىمىنىڭ العىس حاتىمەن جانە «حالىق العىسى» مەدالىمەن ماراپاتتالدى. 

كەڭەس بارىسىندا قاتىسۋشىلار ۇسىنىستارىن ايتىپ, ءوزارا پىكىر الماستى. وتىرىستى قورىتىندىلاعان شىڭعىس مۇقان قاتىسۋشىلاردىڭ كوتەرگەن ماسەلەلەرى ەسكەرىلەتىنىن جەتكىزدى.