«بەزبۇيرەك انا ەش جەردە جۇمىس ىستەمەيدى. جاقىندا 2019 جىلدان بەرى جالداپ تۇراتىن پاتەرىندە ەكى قىزىن قالدىرىپ, كەتىپ قالعان. بۇل تۋرالى پوليتسياعا ايەلدىڭ اقتاۋ قالاسىندا تۇراتىن 18 جاستاعى ۇلكەن قىزى حابارلادى. اناسى وعان قوڭىراۋ شالىپ, جالدامالى پاتەردەگى ەكى سىڭلىسىنە قاراۋدى تاپسىرعان. ارادا بىرنەشە كۇن وتكەنمەن, بالالاردىڭ اناسىنان حابار بولمادى. ال ونى تانيتىندار 5 قاراشادا وزگە كوشەدەگى جالدامالى پاتەرلەردىڭ بىرىنەن كورگەن», دەدى اتىراۋ قالالىق پوليتسيا باسقارماسى باستىعىنىڭ ءبىرىنشى ورىنباسارى ەرلان بيعامباەۆ.
ونىڭ ايتۋىنشا, بۇل ايەل بۇعان دەيىن «كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ» بابىمەن اكىمشىلىك جاۋاپكەرشىلىككە تارتىلىپتى. ەكى قىزى بەيىمدەۋ ورتالىعىنا ورنالاستىرىلعان ەكەن.
«قازىر ەكى قىز بالا قايتادان بەيىمدەۋ ورتالىعىنا ورنالاستىرىلدى. ال بالالارىن تاستاپ كەتكەن ايەلگە قاتىستى جيناقتالعان قۇجاتتار كامەلەتكە تولماعانداردىڭ قۇقىقتارىن قورعاۋ جونىندەگى كوميسسياعا جىبەرىلدى», دەدى ەرلان بيعامباەۆ.
