ء«بىزدىڭ الدىمىزدا تۇرعان ماقسات – وسى «الىپپەمىزدى» ەرتەرەك وقۋ باعدارلاماسىنا كىرگىزۋ. لاتىن ءالىپبيى بويىنشا ءتيىستى شەشىم قابىلداندى, بۇل شەشىم بويىنشا لاتىن الىپبيىنە كوشۋ جۇمىستارى كەزەڭ-كەزەڭىمەن وتەتىن بولادى. ال بىزگە كەلەسى جىلدان باستاپ, «الىپپەمەن» وقي باستاۋ كەرەك. سوندىقتان, كەلەسى جىلى قابىلدانىپ, ەنگىزىلەتىن «الىپپە» كيريلل قارپىندە بولادى. ودان كەيىن مەكتەپتەردە كەزەڭ-كەزەڭىمەن لاتىن الىپبيىنە كوشۋ جۇمىسى باستالعاندا, ارينە «الىپپەنى» دە لاتىن قارپىنە كوشىرەمىز», دەيدى مينيستر.
ۆەدومستۆو باسشىسى بۇل جالپى قيىن شارۋا ەمەستىگىن تىلگە تەك ەتتى. ەڭ باستىسى – باعدارلاما جانە وقۋلىقتاردىڭ مازمۇنى دەپ توقتالدى. اتالعان ماسەلەلەر قازىرگى ۋاقىتتا شەشىمىن تاپقانىن ايتتى.
ايتا كەتەيىك, اعىمداعى جىلدىڭ تامىز ايىندا ءبىلىم جانە عىلىم ءمينيسترى اسحات ايماعامبەتوۆ مەكتەپ باعدارلاماسىنا سايكەس, 1-سىنىپتارعا 1-2 توقسان «الىپپە», 3-4 توقسان «انا ءتىلى» ەنگىزىلەتىنىن ايتقان ەدى. «الىپپەنى» ەنگىزۋ 2021-2022 وقۋ جىلىنا جوسپارلانىپ وتىر.
