وبلىستا جىلدىق قۋاتتىلىعى 12,5 مىڭ توننا بولاتىن 9 بالىق وڭدەۋ زاۋىتى جۇمىس جاساۋدا. 4 زاۋىتتا ەۋروپالىق ساپا ستاندارتىنا سايكەستىگىن راستايتىن «ەۆروكود» سانى بار. اعىمداعى جىلدىڭ 11 ايىندا وبلىستا 7 909 توننا بالىق اۋلاندى. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 18 پايىزعا كوبەيگەن. جىل باسىنان 4008,5 توننا بالىق ونىمدەرى 9 ەلگە ەكسپورتتالىپ, وتكەن جىلمەن سالىستىرعاندا 6 پايىزعا ءوستى.
- بالىق ونىمدەرى رەسەي, گەرمانيا, پولشا, گرۋزيا, ليتۆا, قىتاي, نيدەرلاندى, چەحيا, بەلارۋس ەلدەرىنە نارىققا شىعارىلۋدا. نەگىزگى ەكسپورتقا شىعارىلىپ جاتقان بالىق تۇرىلەرى تىران, تورتا, الابۇعا, شورتان, ارالاس بالىق, كوكسەركە. ولاردان كوكسەركەنىڭ جون ەتى, تىراننىڭ قاناتتارى, بالىق فارشى, بالىق سۇبەسى, قاتىرىلعان بالىق جانە بالىق ۇنى ونىمدەرى ەكسپورتتالۋدا, دەدى وبلىستىق تابيعي رەسۋرستار مەن تابيعات پايدالانۋدى رەتتەۋ باسقارماسىنىڭ باسشىسى باۋىرجان شامەنوۆ.
