ەلوردا • 23 جەلتوقسان، 2020

ەلوردا اكىمى مەديتسينا قىزمەتكەرلەرىنە العىس ايتتى

101 رەت كورسەتىلدى

ەلوردا اكىمى التاي كولگىنوۆ مەديتسينا قىزمەتكەرلەرىمەن كەزدەسىپ، كارانتين كەزىندەگى وراسان ەڭبەكتەرى ءۇشىن العىس ءبىلدىردى. بۇل تۋرالى نۇر-سۇلتان قالاسىنىڭ اكىمى ءوزىنىڭ «ينستاگرام» پاراقشاسىندا جازدى، دەپ حابارلايدى Egemen.kz

«مەديتسينا قىزمەتكەرلەرى – بۇگىنگىنىڭ باتىرلارى. ولاردىڭ ارقايسى ادام ءومىرى ءۇشىن كۇرەسەدى. پاندەميا كەزىندە دەنساۋلىق ساقتاۋ جۇيەسىنە تۇسەر سالماق ارتتى. ءبىزدىڭ دارىگەرلەر ون ايدان بەرى كوروناۆيرۋسپەن كۇرەستە كۇندىز-ءتۇنى ايانباي، الدىڭعى شەپتە جۇمىس ىستەپ كەلەدى. بۇل دەگەنىمىز – اۋىر جاعدايداعى كوپساعاتتىق جۇمىستار، جاقىندارىنان جىراقتا، ۇنەمى تاعىپ جۇرگەندىكتەن، الپەتىندەگى بەتپەردەنىڭ ءىزى مەن داعى.

وسى ۋاقىت ىشىندە مەديتسينا قىزمەتكەرلەرى كوروناۆيرۋس جۇقتىرعان 16 مىڭنان اسا ادامدى قۇتقاردى. جۇمىسىن جانىن سالىپ ىستەيتىندىكتەن ءار ناۋقاس ولاردىڭ جۇرەگىندە دەسەك بولادى. ويتكەنى ومىرىنە قاتەر تونگەن ۋاقىتتا، جاساندى جەلدەتكىش اپپاراتتارىنان العاش ويانىپ، كوزىن اشقان كەزدە قاسىندا سولار بولادى. پاندەميا كەزىندە مەدينا قىزمەتكەرلەرى وزدەرىنىڭ كاسىبي جانە ادامگەرشىلىك قىرلارىن كورسەتتى. ولار ءبىرىنشى ينفەكتسيالىق ستاتسيونارلارداعى جۇمىسقا كىرىسىپ، شەتەلدەن ۇشىپ كەلگەن جولاۋشىلاردى قابىلداپ، بلوكاوستاردا كەزەكشىلىك اتقاردى. مەديتسينالىق جوعارى وقۋ ورىندارى مەن كوللەدجدەرىنىڭ ستۋدەنتتەرى، ۆولونتەرلەر كومەككە كەلدى.

پرەزيدەنتتىڭ تاپسىرماسى بويىنشا، مەملەكەت تاراپىنان مەديتسينا قىزمەتكەرلەرىنە ءتيىستى قارجىلاي قولداۋ كورسەتىلدى. سونداي-اق، اكىمدىك قورىنان قوسىمشا سىياقىلار بىرنەشە مارتە بەرىلدى. مەديتسينا مەكەمەلەرى قوسىمشا جابدىقتارمەن، قورعانىس زاتتارىمەن، ءدارى-دارمەكپەن قامتاماسىز ەتىلدى. جەدەل جاردەم ستانتسياسىنىڭ جۇمىسى كۇشەيتىلدى. كولىك قوزعالىسى قاۋىرت كەزدەردە احۋال ورتالىعى ناۋقاستاردى ستاتسيونارلارعا ءبولۋ جۇمىسىن دەر كەزىندە ۇيىمداستىرىپ وتىردى.

ىندەت كۇشەيگەن ۋاقىتتا قوڭىراۋلار سانى 3-4 ەسەگە دەيىن كوبەيدى. قازىر شۇعىل جاعداي بولسا، ءبىر ۋاقىتتا 18 نىساندى جۇمىلدىرا الامىز. بۇل – شامامەن 7 مىڭ ورىن. ونداي اۋىر جۇكتەمەنى بىردەن ارتۋعا بولمايتىنىن ءتۇسىنۋ كەرەك. ولاردى قاي ناۋقاسقا بۇرىن كومەكتەسۋ كەرەگى جونىندە تاڭداۋ جاسايتىن جاعدايعا جەتكىزبەۋ قاجەت. سول ساناۋلى مينۋت تەك ناۋقاستىڭ دەنساۋلىعىنا ەمەس، ءوزىنىڭ ومىرىنە دە قاۋىپ ءتوندىرۋى مۇمكىن.

تەك سانيتارلىق نورمانى ساقتاۋ ارقىلى عانا كوروناۆيرۋستىڭ تارالۋىنا جول بەرمەۋگە بولادى. الداعى مەرەكە كۇندەرى سانيتارلىق-ەپيدەميولوگيالىق تالاپتاردىڭ بۇزىلۋى سالدارىنان - دەنساۋلىققا بايلانىستى دەمالىس كۇنگە اينالماسىن. قالا تۇرعىندارى سانيتاريا نورمالارىن قاتاڭ ساقتاسا، مەديتسينا قىزمەتكەرلەرىنە ايتقان العىستىڭ ۇلكەنى سول بولار ەدى»، دەپ جازدى التاي كولگىنوۆ.

9887

سوڭعى جاڭالىقتار

ۇقساس جاڭالىقتار