وڭىرلىك جەدەل شتاب كارانتين شارالارىن جەڭىلدەتۋ تۋرالى ۇسىنىستاردى تالقىلادى. ناتيجەسىندە وبلىستا ءدىني وبەكتىلەردىڭ (مەشىتتەر, شىركەۋلەر, سوبورلار, سيناگوگالار جانە ت.ب.) قىزمەتىنە رۇقسات ەتىلدى.
الايدا ءدىني نىسانداردا ۇجىمدىق ءىس-شارالار وتكىزۋگە تىيىم سالىندى. وبلىس اكىمى ارحيمەد مۇحامبەتوۆ ءدىن ىستەرى باسقارماسىنا ءدىني نىسانداردا سانيتارلىق تالاپتاردىڭ ساقتالۋىن قامتاماسىز ەتۋدى تاپسىردى.
بۇدان بولەك, وبلىستىڭ جەدەل شتابى قابىلداعان شەكتەۋلەر 2021 جىلعى 6 قاڭتارعا دەيىن جالعاسادى. اتاپ ايتقاندا, وتباسىلىق, ۇجىمدىق, ەسكە الۋ ءىس-شارالارىن (بانكەتتەر, ۇيلەنۋ تويلارى, مەرەيتويلار, ەسكە الۋ), وتكىزۋگە تىيىم سالىنعان.
سونداي-اق مونيتورينگ توپتارى جالعا بەرىلەتىن ءۇي-جايلاردى تەكسەرەدى. قوعامدىق تاماقتانۋ وبەكتىلەرى جەكسەنبى كۇندەرى تەك «جەتكىزۋ» قاعيداتىمەن جۇمىس ىستەيدى.
