التى ادام مىنگەن جولاۋشىلار اۆتوبۋسى قوزعالتقىشتىڭ ىستەن شىعۋىنان «قىزىلوردا-جەزقازعان» تاسجولىنىڭ 210-شاقىرىمىندا جول جيەگىندە تۇرىپ قالعان.
اۆتوبۋستى قىزىلوردا وبلىستىق پوليتسيا دەپارتامەنتى پاترۋلدىك پوليتسيا روتاسىنىڭ ينسپەكتورلارى باۋىرجان اعىباەۆ پەن مەيرامبەك وتەۋوۆ قىزمەتتەرىن اتقارۋ بارىسىندا بايقاعان.
«جولاۋشىلار اۆتوبۋسىنىڭ قوزعالتقىشى ىستەن شىعىپ, توقتاپ قالعانى انىقتالدى. سالوندا بارلىعى التى ادام بولعان. جولاۋشىلار اۆتوبۋسى نۇر-سۇلتان قالاسىنان شىعىپ تۇركىستان وبلىسىنىڭ جەتىساي قالاسىنا بەت الىپ بارا جاتقان ەكەن. پوليتسەيلەر بۇزىلعان اۆتوكولىكتىڭ جۇرگىزۋشىلەرى مەن جولاۋشىلارىن تاماقپەن قامتاماسىز ەتتى. بۇزىلعان اۆتوكولىكتى قىزىلوردا قالاسىنا دەيىن جەتكىزۋگە قول ۇشىن سوزدى», دەدى قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتىنەن.
ەسكە سالايىق, قىزىلوردا وبلىسىندا ەكى كۇن بويى ەسىگى جابىق پاتەردە ەس-ءتۇسسىز جاتقان قاريا قۇتقارىلعان بولاتىن.
