اياگوز اۋداندىق سوتىنىڭ ءباسپاسوز قىزمەتى cوت شەشىمى بويىنشا بالالاردىڭ ولىمىنە ءۇش مەديتسينا قىزمەتكەرى كىنالى دەپ تانىلعانىن مالىمدەدى. ولارعا «مىندەتتەمەلەرىن ورىنداماعان, وسىنىڭ سالدارىنان بالالار كوز جۇمعان» دەگەن ايىپ تاعىلدى.
ءىس سوتقا پروتسەسسۋالدىق كەلىسىممەن جەتكەن. پروكۋرور مەن سوتتالۋشىلار جابىرلەنۋشىنىڭ كەلىسىمىمەن (بالالار ورتالىعى) پروتسەسسۋالدىق كەلىسىمگە كەلگەن. كەلىسىمدى نەگىزگە الا وتىرىپ, پروكۋرور مەديتسينا قىزمەتكەرلەرىنىڭ ەكەۋىنىڭ 2 جىلعا باس بوستاندىعىن شەكتەۋدى, ولارعا 1 جىل بويى مەديتسينالىق جۇمىستى اتقارۋعا تىيىم سالۋدى, ال ءۇشىنشى قىزمەتكەردىڭ 3 جىل 6 ايعا باس بوستاندىعىن شەكتەۋدى, وعان 1 جىل 6 اي بويى مەديتسينالىق جۇمىستى اتقارۋعا تىيىم سالۋدى سۇراعان.
سوتتا تاراپتاردىڭ ءبارى دە, ونىڭ ىشىندە جابىرلەنۋشى تاراپ تا وسى كەلىسىمدى ماقۇلدايتىنىن جەتكىزدى. سوتتا اتالىپ وتكەندەي, قر قىلمىستىق كودەكستىڭ 317-بابى 3-بولىگى اۋىر قىلمىس ساناتىنا جاتپايدى. ال 317-باپتىڭ 4-بولىگى اۋىرلىعى ورتاشا قىلمىس ساناتىنا جاتادى. پروكۋرور ۇسىنعان جازا باپتىڭ سانكتسياسىنا ساي كەلگەن.
سوتتالۋشىلار بۇرىن ءىستى بولماعان. كەلىسىمدە كورسەتىلگەن جازادان اۋىر جازا بەرۋگە بولمايدى. باياندالعان ءىستىڭ نەگىزىندە سوت ايىپتالۋشىلاردى كىنالى دەپ تانىپ, ولارعا كەلىسىمگە سايكەس جازانى تاعايىندادى. ۇكىم زاڭدى كۇشىنە ەنگەن جوق.
ايتا كەتسەك, بۇعان دەيىن وسى ورتالىقتاعى ون شاقتى بالانىڭ «قىزىلشا» دياگنوزىمەن ينفەكتسيالىق اۋرۋحاناعا تۇسكەنى حابارلانعان ەدى. اۋرۋحاناعا جەتكىزىلگەن بالالاردىڭ تورتەۋى كوز جۇمعان ەدى.
