- ءبىزدىڭ وبلىس ءۇشىن ماڭىزدى جوبالاردى ىسكە اسىرۋدا قولداۋ كورسەتكەندەرىڭىز ءۇشىن ريزاشىلىعىمدى بىلدىرگىم كەلەدى. وسى جوبالاردى ىسكە اسىرۋ ناتيجەسىندە ءبىز ءوڭىردىڭ الەۋمەتتىك-ەكونوميكالىق دامۋىندا جاقسى كورسەتكىشتەرگە قول جەتكىزدىك. بۇگىن سىزدەرمەن تۇرعىن ءۇي-كوممۋنالدىق شارۋاشىلىق سالاسىنداعى جاڭا بىرلەسكەن جوبالاردى ىسكە اسىرۋدى – قىزىلوردا جەو جاڭعىرتۋ جانە كەڭەيتۋ, قىزىلوردا قالاسىنداعى بيولوگيالىق تازارتۋ ستانتسياسىن جاڭعىرتۋ جانە اۆتوماتتاندىرۋ ماسەلەلەرىن تالقىلاعىمىز كەلەدى. «جەو جاڭعىرتۋ جانە كەڭەيتۋ» جوباسى بويىنشا تەحنيكالىق-ەكونوميكالىق نەگىزدەمە ازىرلەندى, مەملەكەتتىك ساراپتامانىڭ قورىتىندىسى الىندى. جوبا ەكى كەزەڭنەن تۇرادى: كوگتەس قۇرىلىسى جانە سۋ جىلىتۋ قازاندىعىنىڭ قۇرىلىسى. ءبىز جالپى سوماسى 9 ملرد تەڭگەگە ەقدب ارقىلى كرەديت بەرۋ جولىمەن كوگوەس-ءتى جاڭعىرتۋدى جۇزەگە اسىرۋدى ۇسىنعىمىز كەلەدى. نەگىزگى قارىزدى «جاڭارتىلاتىن ەنەرگيا كوزدەرىن قولداۋ جونىندەگى قارجى-ەسەپ ايىرىسۋ ورتالىعى» جشس ەسەبىنەن وتەۋ مەحانيزمى بار, دەدى وبلىس اكىمى گۇلشارا ابدىقالىقوۆا.
بۇگىنگى كۇنى نارىق كەڭەسىنىڭ قورىتىندىسىن الۋ ءۇشىن ءتيىستى قۇجاتتاردى دايىنداۋ بويىنشا جۇمىستار جۇرگىزىلۋدە. كەڭەسكە 2021 جىلعى 1 اقپانعا دەيىن وسى ينۆەستيتسيالىق باعدارلامانى ازىرلەۋ كەزىندە جۇرگىزىلگەن تاۋەلسىز تەحنيكالىق جانە قارجىلىق اۋديتتەردىڭ ناتيجەلەرى بار ينۆەستيتسيالىق باعدارلامانى ۇسىنۋ قاجەت.
"بيولوگيالىق تازارتۋ ستانتسياسىن جاڭعىرتۋ جانە اۆتوماتتاندىرۋ" جوباسى بويىنشا دا مەملەكەتتىك ساراپتامانىڭ قورىتىندىسى بار, جوبانىڭ قۇنى – 2,8 ملرد تەڭگە. ەقدب-مەن بىرلەسكەن جوبا ءۇشىن بۇرىن بولىنگەن قاراجاتتى پايدالانا وتىرىپ, جوبانى ىسكە اسىرۋعا يندۋستريا جانە ينفراقۇرىلىمدىق دامۋ مينيسترلىگىنىڭ كەلىسىمى الىندى.
ايتا كەتۋ كەرەك, ەققدب-مەن بىرلەسىپ جۇزەگە اسىرىلىپ جاتقان قىزىلوردا قالاسىندا جىلۋمەن جابدىقتاۋ جۇيەسىن سالۋ جانە قايتا جاڭارتۋ, سۋمەن جابدىقتاۋ سۋ جۇيەلەرىن سالۋ جانە قايتا جاڭارتۋ مەن ەلەكترمەن جابدىقتاۋ جۇيەلەرىن جاڭعىرتۋ جوبالارى بويىنشا ءتيىستى جۇمىستار جۇرگىزىلىپ, كەلىسىم-شارت بويىنشا نەسيەلەر تولەنىپ جاتىر.
كەزدەسۋ بارىسىندا ەققدب قازاقستانداعى وكىلدىگى ديرەكتورىنىڭ ورىنباسارى باحتيەر فايزيەۆ كوتەرىلگەن ماسەلەلەردى قولداپ, قىزىلوردا وبلىسى ينۆەستيتسيالىق ءتيىمدى ءوڭىر ەكەنىن اتاپ ءوتتى. جەتەكشى بانكير ۆلاديمير سيدورەنكو دا ءوز ۇسىنىستارىن جەتكىزدى.
قىرىتىندىلاي كەلە ءوڭىر باسشىسى گۇلشارا ابدىقالىقوۆا ودان ءارى ىنتىماقتاستىقتى دامىتۋ تۋرالى ۇسىنىس ايتىپ, باحتيەر فايزيەۆكە جۇمىس ساپارىمەن سىر وڭىرىنە كەلگەنى ءۇشىن العىس ءبىلدىر
