«شىمكەنت سمەلتينگ» جشس-گى قورعاسىن جانە مىس ونىمدەرىن وندىرۋمەن قاتار ءتۇستى مەتالل مەن ارماتۋرا ءوندىرىسىنىڭ تەحنولوگيالىق جەلىسى بار.
ءوندىرىس وشاعىنداعى قىتاي تەحنولوگياسىمەن جابدىقتالعان پەشتەر مەتالداردى وندىرۋدە ەكولوگياعا زياندى قالدىقتاردى شىعارمايدى. جوبانىڭ جالپى قۇنى 2 ملرد تەڭگەنى قۇرايدى. بۇگىنگى تاڭدا 200 ادامدى جۇمىسپەن قامتىپ وتىرعان زاۋىت قورعاسىن ءونىمىن وسكەمەن قالاسىنا, ال, قارا مىستى رەسەي ەلىنە جونەلتەدى.
«وڭتۇستىك» يندۋستريالدى ايماعى 2010 جىلى قۇرىلعان. بۇل رەسپۋبليكانىڭ ەڭ العاشقى ونەركاسىپتىك الاڭى. جالپى اۋدانى 337 گەكتاردى قۇرايدى. پورتفوليوسى شامامەن 90 ملرد تەڭگەنى قۇرايتىن 87 جوبادان تۇرادى. 7300 ادام جۇمىس ىستەيدى.
ايتا كەتەيىك, جالپى قالا اۋماعىندا 2020 جىلعا جوسپارلانعان 21 جوبانىڭ بۇگىنگى كۇنگە دەيىن قۇنى 17,4 ملرد. تەڭگە بولاتىن 17 جوبا ىسكە قوسىلعان. وندا 725 جاڭا جۇمىس ورنى قۇرىلعان. ال, قالعان ءتورت جوبا جىل سوڭىنا دەيىن ىسكە قوسىلاتىن بولادى.
