«اسكەري قىزمەتشىلەردىڭ تۇرعىن ءۇي ماسەلەسى شەشىلىپ جاتىر. 2018 جىلدان باستاپ جەڭىلدەتىلگەن يپوتەكالىق كرەديتتەۋ ارقىلى تۇرعىن ءۇي باعدارلامالارى بويىنشا 4 مىڭنان استام اسكەري قىزمەتشى باسپانا الدى. قارۋلى كۇشتەردە نىسانداردىڭ ۇلكەن ينفراقۇرىلىمى جۇمىس ىستەيدى. قورعانىس ۆەدومستۆوسى اسكەري بولىمدەر مەن قالاشىقتار اۋماعىنداعى عيماراتتاردى كۇردەلى جانە اعىمداعى جوندەۋ جۇرگىزىپ جاتىر. ولاردىڭ باسىم بولىگى وتكەن عاسىردىڭ 60-70 جىلدارى سالىنعان», دەدى نۇرلان ەرمەكباەۆ ورتالىق كوممۋنيكاتسيالار قىزمەتىندە وتكەن بريفينگتە.
ءمينيستردىڭ ايتۋىنشا, 2020 جىلى 600-دەن استام نىسانعا جوسپارلى جوندەۋ جۇرگىزىلدى, بۇل كورسەتكىش وتكەن جىلعىدان 1,5 ەسەگە جوعارى. 30 نىسان كۇردەلى جوندەۋدەن وتكەن. «كازارمالىق-تۇرعىن ءۇي قورىنىڭ دا جاڭا نىساندارى سالىنۋدا, ونىڭ ىشىندە جەڭىل مودۋلدىك كونسترۋكتسيالاردان: كازارمالار, اسحانالار, قويمالار, وقۋ جانە سپورت كەشەندەرى تۇرعىزىلۋدا. بيىل وسىنداي 56 عيمارات سالىندى», دەدى مينيستر.
