بۇل جونىندە قالا اكىمى مۇرات ايتەنوۆكە ءبىلىم باسقارماسىنىڭ اتقارعان جۇمىستارى جونىندە ەسەپ بەرگەن باسقارما باسشىسى ج.تاجيەۆا ايتتى.
ونىڭ ايتۋىنشا, بۇگىنگى تاڭدا بارلىق مەملەكەتتىك ءبىلىم بەرۋ مەكەمەلەرى 100 % بەينەباقىلاۋ كامەراسىمەن قامتاماسىز ەتىلگەن. اجەتحاناسى سىرتتا ورنالاسقان 36 مەكتەپتىڭ جۇمىستارى تولىعىمەن اياقتالىپ, ىشكە اۋىستىرىلدى.
سونداي-اق, بيىل مەملەكەتتىك باعدارلاما اياسىندا مەكتەپتەردەگى ءپان كابينەتتەرىن جاڭعىرتۋ جۇمىستارى جۇرگىزىلىپ, 5 380 كابينەتتىڭ 32,2%-ى (1734) زاماناۋي جابدىقتارمەن قامتاماسىز ەتىلگەن. كەلەسى جىلى 250 حيميا, بيولوگيا, فيزيكا كابينەتى مەن 13 دانا STEM, 9 دانا لوگوپەد كابينەتىن الۋ جوسپارلانۋدا ەكەن.
مەملەكەتتىك كورسەتىلەتىن قىزمەت تۇرلەرىن تسيفرلاندىرۋ, اشىقتىقتى قامتاماسىز ەتۋ ماقساتىندا ءبىلىم سالاسىنداعى 32 مەملەكەتتىك قىزمەت ءتۇرى تولىق اۆتوماتتاندىرىلعان. الداعى جىلى اشىق بۋحگالتەريا جۇيەسىن ەنگىزۋ, ءبىلىم بەرۋ ۇيىمدارى اراسىنداعى قۇجات اينالىمىن تسيفرلاندىرۋ, ءبىلىم سالاسىنداعى ءارتۇرلى وليمپيادالاردى تسيفرلاندىرۋ قولعا الىنعانىن ايتىپ ءوتتى.
ەسەپتى تىڭداعان شاھار باسشىسى وقۋشىلاردىڭ قاۋىپسىزدىگىنە باسا نازار اۋدارىپ, زاماناۋي جابدىقتالعان كابينەتتەردە تاجىريبەلىك ساعاتتارىن كوپتەپ وتكىزۋدى تاپسىردى.
