بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
قالا اكىمى ورتالىق جۇمىسىن كورۋ بارىسىندا اتالعان ورتالىق اۋماعىنا ساياباق سالىپ, كوگالداندىرۋ جۇمىستارىن جۇرگىزۋ بويىنشا تاپسىرما بەردى.
ول ءۇشىن "ينفراقۇرىلىم جانە كوممۋنيكاتسيالار ءبولىمى" باسشىسىنا جوبالاردى وسى اپتا ىشىندە دايىنداۋ قاجەت ەكەنىن ايتىلدى.
كوروناۆيرۋس ينفەكتسياسىن جۇقتىرعانداردى وقشاۋلاپ, ساپالى مەديتسينالىق قىزمەت كورسەتەتىن ورتالىق 200 ورىنعا لايىقتالعان.
مۇنداعى ءبىر ەرەكشەلىك – ءاربىر توسەك-ورىنعا جاساندى تىنىس الۋ جانە دارىگەردى شاقىرۋعا ارنالعان قوندىرعى ورناتىلعان. سونىمەن قاتار ورتالىق زاماناۋي مەديتسينالىق قۇرال-جابدىقتارمەن قامتىلعان جانە جانساقتاۋ ءبولىمى مەن زەرتحاناسى بار.
سونداي-اق, ول جەردەگى ەمدەلۋشىلەردىڭ دەنساۋلىعىن دارىگەرلەردىڭ ارنايى بىلەزىكتەر ارقىلى باقىلاۋىنا مۇمكىندىگى بار. ال جەدەل-جاردەم كولىكتەرى ءۇشىن قوڭىراۋ تۇسكەن جاعدايدا ءار شاقىرتۋ الدىندا دەزينفەكتسيالىق جۇمىس جۇرگىزۋگە ارنالعان جۋ اۋماعى دا قاراستىرىلعان.
