– پوليتسەيلەر وبلىس اۋماعىندا قىلقان جاپىراقتى اعاشتاردى زاڭسىز كەسۋ, سونداي-اق ولاردى ساۋدالاۋ, بازارلاردا جانە باسقا جەرلەردە زاڭسىز ساتۋ دەرەكتەرىن بولدىرماۋعا ەرەكشە نازار اۋدارادى. وبلىس اۋماعىندا پوليتسيا مەن تابيعاتتى قورعاۋ ورگاندارى ەسەبىنەن قۇرىلعان موبيلدىك توپتار تاۋلىك بويى جاس قىلقان جاپىراقتى اعاشتاردى زاڭسىز كەسۋ فاكتىلەرىنىڭ جولىن كەسۋ بويىنشا رەيدتەردى جۇزەگە اسىرۋدا, – دەپ تۇيىندەدى جەرگىلىكتى پوليتسيا قىزمەتى باسقارماسىنىڭ باستىعى باعدات ءاشىموۆ.
پوليتسيا قىزمەتكەرلەرى جولدار مەن بەكەتتەردەگى پوليتسيا جاساقتارىنىڭ باقىلاۋىن كۇشەيتىپ, قىلقان جاپىراقتى اعاشتاردى تاسىمالداۋ مەن ساتۋدىڭ زاڭدىلىعىن تەكسەرۋدە. تاسىمالدانۋشى ءاربىر قىلقان جاپىراقتىنىڭ قايدا وسكەنى, كىمنىڭ ساتقانى جانە قايدا اپارا جاتقانىن انىقتاۋعا نيەتتى.
– ماسەلەن, تەكەلى قالاسىنىڭ ماڭىندا 35 جاستاعى تۇرعىن بىرنەشە شىرشانى كەسىپ تاستاعان. سونداي-اق, قىلقان جاپىراقتى اعاشتاردى زاڭسىز ساتۋ فاكتىسى الماتى-بىشكەك تاس جولىنىڭ 19 شاقىرىمىندا تىركەلدى. “شىرشا” جەدەل-الدىن الۋ ءىس-شاراسى جاڭا جىل قارساڭىندا باستالىپ, وسى جىلدىڭ 31 جەلتوقسانىنا دەيىن جالعاسادى, – دەپ تولىقتىردى باعدات ءاشىموۆ.
