سوت ونى قر قك 99-بابىنىڭ 3-بولىمىمەن ايىپتى دەپ تاۋىپ 20 جىلعا باس بوستاندىعىنان ايىردى.
سونىمەن قاتار, ول 5 جىلعا قازاقستان رەسپۋبليكاسى تەرريتورياسىنان الاستاتىلادى. سوتتالۋشى جازاسىن قاۋىپسىزدىگى بارىنشا جوعارى قىلمىستىق اتقارۋ جۇيەسى مەكەمەسىندە وتەيتىن بولادى.
ايتا كەتۋ كەرەك, وقيعا 2019 جىلى 24 قازاندا بولعان ەدى. الماتىداعى InterContinental قوناق ۇيىندە 1,5 جاستاعى سوفيا باراكات ەسىمدى قىز بالا كوز جۇمعان بولاتىن.
پوليتسيا كۇدىكتى رەتىندە ونىڭ اكەسى باراكات موحاممەدتى ۇستادى. بيىل جازدا اتالعان وقيعاعا بايلانىستى سوت باستالدى.
ايىپتاۋ اكتىسىنە بايلانىستى باراكات موحاممەد شەتەلدىك اۋە كومپانياسىندا ۇشقىش بولىپ ىستەگەن. 22 جاستاعى قازاقستان ازاماتشاسىنا ۇيلەنگەن. بالا قايتىس بولاتىن كۇنى ول ەسىرتكى شەگىپ, اراق ىشكەن.
