ءىس-شارانىڭ ماقساتى – مۋزەي سالاسىن دامىتۋدا زاماناۋي جەتىستىكتەردى كەڭىنەن پايدالانۋ ارقىلى ۇلتتىق-رۋحاني جانە تاريحي-مادەني قۇندىلىقتاردى دارىپتەۋ.
قازاقستاننىڭ مەملەكەتتىك تۋىن بەينەلەيتىن اسپان ىسپەتتەس كوگىلدىر ءتۇستىڭ اياسىندا ەگەمەندىگىمىزدىڭ باستى نىشانىنا اينالعان جيىرما مەترلىك «التىن قىران» جايىلىپ تۇر.
گەرالديكا داستۇرىندە اسپانعا ۇقساس كوگىلدىر ءتۇس – زاڭعار بيىكتىكتى, بەيبىتشىلىك پەن مولشىلىقتى, كۇن – بايلىق پەن قۇنارلىلىقتى, ال قىران بەينەسى – كۇشتى, بيلىكتى جانە قىراعىلىقتى بىلدىرەدى.
كىرەبەرىستەگى سول جاق قابىرعادا ورنالاسقان قازاقستان كارتاسى بەينەلەنگەن ۇلكەن مەديا-ەكراننان – ەلىمىزدىڭ جازيرالى جازىعى مەن سايىن دالاسى, سونداي-اق مادەنيەت, سپورت جانە ونەردەگى جەتىستىكتەرگە ارنالعان بەينەروليك كورسەتىلدى.
التىنمەن قاپتالعان قىران قۇس پەن تاۋەلسىز مەملەكەتىمىزدىڭ جەتىستىكتەرىنە ارنالعان بەينەكورىنىس, كىمنىڭ بولسىن كەۋدەسىندە ەلىنە دەگەن ماقتانىشىن وياتىپ, پاتريوتتىق سەزىمىن ارتتىرارى ءسوزسىز.
ايتا كەتەيىك, ۇلتتىق مۋزەيدە «التىن قىراننىڭ» جارىق-دىبىستىق قويىلىمى تاۋەلسىزدىك كۇنىنىڭ قارساڭىندا جىل سايىن ءداستۇرلى تۇردە وتپەك.
