اۋا رايى ناشارلاۋى مۇمكىن وڭىرلەردىڭ قالا سىرتىنداعى جولدارىن پاترۋلدەيتىن ەكيپاجداردىڭ جۇمىسى كۇشەيتىلدى.
«الماتى جانە شىعىس قازاقستان وبلىستارىندا اۋا رايىنىڭ ناشارلاۋىنا بايلانىستى (قالىڭ قار, بوران, جولدىڭ انىق كورىنبەۋى) بىرقاتار جولدا كولىك قوزعالىسىنا شەكتەۋ ەنگىزىلدى. باتىس قازاقستان, قاراعاندى, قوستاناي, پاۆلودار جانە سولتۇستىك قازاقستان وبلىستارىندا اۋا تەمپەراتۋراسى 20 گرادۋستان تومەندەيتىنى بولجاندى. قر ءىىم اتالعان ءوڭىر تۇرعىندارىنا جول ءجۇرۋدى شەكتەپ, اۋا رايى مەن جولداردىڭ جاي-كۇيى تۋرالى حابارلامالاردى قاداعالاۋدى ۇسىنادى. پوليتسەيلەر جۇرگىزۋشىلەر مەن جاياۋ جۇرگىنشىلەردى ساپارعا شىققاندا وتە مۇقيات بولۋعا شاقىرادى», دەپ حابارلادى مينيسترلىكتىڭ ءباسپاسوز قىزمەتى.
اۋا رايى ناشارلاعاندا اۆتوكولىك جۇرگىزۋشىلەرىنەن جولعا مۇقيات نازار سالۋ جانە دوڭگەلەكتەرىن ۋاقىتىلى اۋىستىرىپ, قىسقى كەزەڭگە دايىندالۋ تالاپ ەتىلەدى. بارلىق ادامدار جولدا قيىن جاعدايعا تاپ بولعان جاعدايدا ىشكى ىستەر ورگاندارىنىڭ بولىمشەلەرىنە 102 ءنومىرى بويىنشا تاۋلىك بويى جۇگىنە الادى.
