«لاستاۋشى تولەيدى» قاعيداتىنىڭ نەگىزىنە لاستانۋدى بولدىرماۋ مەن باقىلاۋ بويىنشا شارالارى جاتادى. سونىمەن قاتار, قورشاعان ورتاعاتيگەنزالالدى قالپىنا كەلتىرۋگە قاتىستى جاۋاپكەرشىلىك قاراستىرىلعان. وسىلايشا, مەملەكەت تابيعات پايدالانۋشىلارعا ەكولوگيالىق ايىپپۇل تولەۋدىڭ ورنىنا قورشاعان ورتاعا تەرىس اسەردى بولدىرماۋ جونىندەگى بارلىق شارالاردى قابىلداۋ تيىمدىرەك بولاتىنداي جاعداي جاساۋى ءتيىس. بۇدان باسقا, ەكولوگيالىق زالال ورىن العان جاعدايدا تابيعات پايدالانۋشى قورشاعان ورتانى باستاپقىدا بولعان قالپىنا كەلتىرۋگە مىندەتتى», - دەدى ماعزۇم مىرزاعاليەۆ سەنات وتىرىسىندا.
سونىمەن بىرگە ول ەڭ وزىق قولجەتىمدى تەحنولوگيالاردى ەنگىزەدى دەگەن شارتپەن ءبىرىنشى ساناتتاعى وبەكتىلەر ءۇشىن كەشەندى ەكولوگيالىق رۇقساتتارعا كوشۋ ۇسىنىلاتىنىن اتاپ ءوتتى. ءبىرىنشى كەزەڭدە مۇناي-گاز, تاۋ-كەن مەتاللۋرگياسى, حيميا جانە ەلەكتر ەنەرگەتيكاسى سالالارىنا قاتىستى 50 ءىرى كاسىپورىندى ەڭ وزىق قولجەتىمدى تەحنولوگيالارعا اۋىستىرۋ جوسپارلانعان.
«ەڭ وزىق قولجەتىمدى تەحنولوگيالارعا اۋىستىرۋ جوسپارلانعان. ايتا كەتەرلىك, وسى 50 كاسىپورىنعا جالپى لاستانۋدىڭ 80% تيەسىلى. كودەكستىڭ جوباسىندا ءبىرىنشى ساناتتاعى ءىرى كاسىپورىندارعا قاتىستى قورشاعان ورتاعا اسەردى باعالاۋدى ءوتۋ تۋرالى تالاپ قاراستىرىلدى. ولاردىڭ تىزبەسى قايتا قارالدى جانە نەگىزىنەن ەكولوگيالىق قاۋىپتى وبەكتىلەرگە باسا نازار اۋدارىلاتىن بولادى. سونىمەن قاتار, قوعام وكىلدەرىقورشاعان ورتاعا اسەردى باعالاۋدىڭ بارلىق كەزەڭدەرىنە قاتىسادى»,- دەپ اتاپ ءوتتى مينيستر.
زاڭ جوباسىندا جەرگىلىكتى اتقارۋشى ورگاندار تۇسەتىن ەكولوگيالىق تولەمدەردىن ەسەبىنەن 100% پايىز كولەمىندە قارجىنى تابيعات قورعاۋ ءىس-شارالارىنا بولۋگە مىندەتتى ەكەندىگى دە كورسەتىلگەن. سونداي-اق زاڭسىز قوقىس تاستاۋ ماسەلەسىن جۇيەلى تۇردە شەشۋ ءۇشىن جاڭا ەكولوگيالىق كودەكستە قوقىس شىعاراتىن كولىكتەرگە GPS-داتچيكتەردى مىندەتتى تۇردە ورناتۋ ماسەلەسى كوزدەلگەن.
«ەكولوگيالىق كودەكس ەكونوميكالىق ىنتىماقتاستىق پەن دامۋ ۇيىمى ەلدەرىنىڭ سونىمەن قاتار ەڭ وزىڭ حالىقارالىق تاجىريبەنى, نەگىزگى الا وترىرىپ ازىرلەندى. ارينە, ءبىز ەكولوگيالىق كودەكستىڭ قابىلدانۋىمەن ەكولوگيالىق جاعداي بىردەن وزگەرەدى دەپ كۇتپەيمىز, الايدا كودەكسكە ورتا مەرزىمدى پەرسپەكتيۆادا ەكولوگيالىق جاعدايدى جاقسارتۋعا, شىعارىندىلار مەن قالدىقتاردى ازايتۋعا مۇمكىندىك بەرەتىن جۇيەلى شارالار ەنگىزىلگەن. سوندىقتان بۇل كودەكس حالىقتىڭ قورشاعان ورتانى جاعدايى جاقسارتۋعا اكەلەتىنىنە كۇمانىمىز جوق», - دەدى ماعزۇم مىرزاعاليەۆ.
مينيستر سەناتورلاردىڭ قاتتى تۇرمىستىق قالدىقتاردى, مەديتسينالىق قالدىقتاردىڭ وڭدەۋگە قاتىستى سۇراقتارىنا جاۋاپ بەردى.
«قوقىس وندىرىلمەگەن جاعدايدا اكىمشىلىك كودەكس نورمالارىنا سايكەس ايىپپۇل 10 ەسە وسەدى. مەديتسينالىق ۇيىمدار جينالعان قالدىقتارعا جاۋاپتى. قالدىقتاردى قايتا وڭدەيتىن مەكەمەلەر ليتسەنزيالاۋ پروتسەسىنەن وتۋگە مىندەتتى بولادى», - دەدى بۇعان قاتىستى مينيستر.
دەپۋتاتتار زاڭ جوباسىن ءبىرىنشى وقىلىمدا قابىلداۋ تۋرالى قاۋلى قابىلداپ, ەكىنشى وقىلىمعا جىبەردى. ايتا كەتەيىك, مەملەكەت باسشىسى قاسىم-جومارت كەمەل ۇلى توقاەۆ ەكولوگيالىق كودەكستى جىل سوڭىنا دەيىن قابىلداۋ تۋرالى ناقتى تاپسىرما بەرگەن بولاتىن.
