ءوتىپ بارا جاتقان جىل تالاي قيىنشىلىق اكەلگەنىنە قاراماستان, ءومىر جالعاسىن تاۋىپ جاتىر. ءبىر كاسىپ باستايمىن, ونەر ۇيرەنەمىن دەگەندەر قاشان دا مۇنىڭ جولىن تابادى. ماسەلەن الماتىدا كوپبالالى انالارعا قولداۋ كورسەتۋ ماقساتىندا وڭىرلىك «باقىتتى وتباسى» ورتالىقتارىنىڭ بازاسىندا «ىسكەر انا» باعدارلاماسى دا كوپ ءىس تىندىرىپ وتىر. مۇندا ولاردى «ەڭبەك» مەملەكەتتىك باعدارلاماسى اياسىندا كاسىپكەرلىك نەگىزدەرىنە وقىتادى.
سول سياقتى مەدەۋ اۋدانى الەۋمەتتىك ينكۋباتورىندا كوپتەگەن انالارعا بيزنەس جۇرگىزۋ ءۇشىن قولايلى جاعدايلار جاسالعان.
«باقىتتى وتباسى» ورتالىقتارى كوپبالالى ايەلدەردىڭ دامۋىنا قارجىلاي ەمەس قولداۋ كورسەتۋ ماقساتىندا قۇرىلعان ەدى. ال مەدەۋ اۋدانىنىڭ «باقىتتى وتباسى» بازاسىندا قۇرىلعان بيزنەس-ينكۋباتور قابىرعاسىنداعى قولداۋدىڭ بۇل فورماتى جاس كاسىپكەر انالارعا جۇمىستاعى تاۋەكەلدەردى ازايتۋعا, كليەنتتەردى تارتۋعا جانە تابىسقا جەتۋگە كومەكتەسەدى.
ء«بىزدىڭ الەۋمەتتىك ينكۋباتور – مەدەۋ اۋدانى اكىمدىگىنىڭ قولداۋىمەن تەگىن قامتاماسىز ەتىلگەن, ءار ايەلگە ارنالعان جەكە بولمەلەرى بار, كەزدەسۋلەر مەن ءبىلىم بەرۋ ءىس-شارالارىن وتكىزۋگە ارنالعان كەڭسە الاڭى.
الەۋمەتتىك ينكۋباتور – بۇل كاسىپكەرلەر, ۇكىمەتتىك ەمەس سەكتورى مەن جەرگىلىكتى بيلىك اراسىنداعى الەۋمەتتىك سەرىكتەستىكتىڭ قاناتقاقتى جوباسى. ايەلدەردىڭ كاسىپكەر رەتىندە ءوسۋىنىڭ ءساتتى كورسەتكىشى – بيزنەس-ينكۋباتوردىڭ ەكى قاتىسۋشىسى 505 مىڭ تەڭگە ستارتاپ-گرانتتان بولەك ارقايسىسى 2 ميلليون تەڭگە كولەمىندە ەكىنشى مەملەكەتتىك قولداۋعا يە بولدى. ايەلدەر وزدەرىنىڭ جاڭا جوبالارىندا وسى ينكۋباتور اياسىندا ودان ءارى ىنتىماقتاستىقتى بىرىكتىرۋدى كوزدەپ وتىر.
2020 جىلى 15 مەموراندۋمعا قول قويىلىپ, ولار ينكۋباتوردىڭ تۇجىرىمداماسىن ءارى قاراي دامىتۋعا سەپتەستى. سونىمەن بىرگە, جوبالارىن بىزبەن بىرگە جۇزەگە اسىرۋعا دايىن كليەنتتەرمەن ايقىندارعان جوبالار كۇتۋدە.
الەۋمەتتىك ينكۋباتوردىڭ ماقساتى – حالىقتىڭ الەۋمەتتىك وسال توپتارىن تابىسقا قۇلشىندىرا وتىرىپ, وسى ارقىلى ومىرلىك قيىنشىلىقتاردى جەڭىپ شىعۋعا ىقپال ەتۋ. ول ءۇشىن ولار كاسىپكەرلەرگە يدەيالىق كەزەڭنەن باستاپ تۇراقتى پوزيتسيانى قالىپتاستىرۋعا دەيىن قولداۋ كورسەتەدى.
بۇگىنگى تۇلەكتەر شامامەن 10 ميلليون تەڭگەنىڭ ءونىمىن ساتا الدى. تۇلەكتەر – بۇل كوپ بالالى انالار, ولاردىڭ اراسىندا باستاپقىدا ااك الۋشىلارى بولعان. بۇل قىز-كەلىنشەكتەر جەكە كاسىپ اشقاننان كەيىن ااك-تەن باس تارتىپ, وزدەرى دە اقشا تابا باستادى. ەرەكشە قاجەتتىلىكتەرى بار بالالاردى تاربيەلەپ وتىرعان انالار دا بار.
