الماتى قالاسىندا 21 جەلتوقسان ساعات 6.00-دەگى جاعداي بويىنشا 6 سم-گە دەيىن, ال شاھاردىڭ تاۋلى ايماقتارىنا 8-10 سم قار تۇسكەن.
كوكتايعاقتىڭ الدىن الۋ ءۇشىن قار جاۋعان كەزدەن باستاپ جولدارعا, قيىلىستارعا, جولايرىقتاردىڭ كىرەبەرىسىنە, تاۋ بوكتەرىنە جانە تاۋلى ايماقتارعا كوكتايعاققا قارسى ماتەريال سەبىلىپ, قار تازالاندى. وعان 4 100 توننا ماتەريال پايدالانىلعان.
اكىمدىكتىڭ حابارلاۋىنشا, تروتۋارلاردى, جاياۋ جۇرگىنشىلەر ايماقتارىن, قوعامدىق كولىك ايالدامالارىن, اۆتوتۇراق قالتالارىن تازارتۋ جۇمىستارى جالعاسىپ جاتىر.
جاياۋ جۇرگىنشى ايماقتارى مەن تاۋلى اۋدانداردا قار تازالاۋ جۇمىستارى ۇيىمداستىرىلدى. تاڭعى ساعات 6.00-دە 230 تەكشە مەتر قار ءۇيىندىسى شىعارىلعان.
بۇگىن قار كۇرەۋ جۇمىستارىنا 596 تەحنيكا جانە 1 610 جول جۇمىسشىسى جۇمىلدىرىلدى.
اۋداندىق اكىمدىكتەر مەن قالا اكىمدىگىندە جۇمىس بارىسىن تاۋلىك بويى باقىلايتىن كەزەكشىلىك ۇيىمداستىرىلعان.
قازگيدرومەتتىڭ بولجامى بويىنشا بۇگىن الماتىدا اۋا تەمپەراتۋراسى كۇندىز -6, كەشكە قاراي -8 بولادى. قار تۇسكە دەيىن توقتايدى.
