وڭىرلەردى وسى كەشەندەرمەن قامتۋ جۇمىستارى قاراشانىڭ سوڭىندا اياقتالادى دەپ جوسپارلانۋدا. اتالعان جىلجىمالى قوندىرعى ازاماتتاردىڭ دەنساۋلىعىن كەڭ سپەكترلى تەكسەرۋدەن وتكىزۋگە ارنالعان. ول جالپى قابىلداۋ, تاجىريبەلىك دارىگەر جانە تالداۋلاردى قابىلداۋ ايماعى, ءدارىحانا پۋنكتى, فۋنكتسيونالدى دياگنوستيكا, اكۋشەر-گينەكولوگ, سونداي-اق ساۋلەلىك دياگنوستيكا كابينەتتەرىنەن تۇرادى.
ءموبيلدى مەديتسينالىق ورتالىقتا ارنايى قورعاسىنمەن قاپتالعان بولمە ورناتىلىپ, وندا رەنتگەن جانە فليۋوروگرافيانى قاۋىپسىز جاعدايدا جاساۋعا بولادى.
كابينەتتەر كومپيۋتەر, ەدەن تارازىسى, وتوسكوپ, وفتالموسكوپ, بيوحيميالىق جانە گەماتولوگيالىق اناليزاتور, كواگۋلوگراف, لەيكوتسيتتەر ەسەپتەگىشى, ەكگ, ۋدز, گليۋكومەتر سەكىلدى زاماناۋي تسيفرلى جابدىقتارمەن قامتىلعان.
مەديتسينالىق كەشەننىڭ تاعى ءبىر ەرەكشەلىگى – اۆتونومدى جۇيە, اتاپ ايتقاندا اۆتوبۋستا 16 كيلوۆاتتىق گەنەراتور ورناتىلىپ, قاجەت كەزدە قالالىق ەلەكتر جەلىسىنە دە قوسىلۋعا قاۋقارلى. تولىق تەرمووقشاۋلاۋ جانە انتيكوۆيد جۇيەسى قاۋىپسىز جۇمىس ىستەۋ ءۇشىن وڭتايلى جاعداي جاسايدى. مۇمكىندىگى شەكتەۋلى جانداردى قابىلداۋعا اۆتوماتتاندىرىلعان پاندۋس-ليفت قاراستىرىلعان.
جىلجىمالى مەديتسينالىق كەشەن دەنساۋلىق ساقتاۋ مينيسترلىگىنىڭ تاپسىرىسىنا سايكەس, وتاندىق كاسىپورىنداردا جاسالدى.
دەنساۋلىق ساقتاۋ مينيسترلىگى مەن يندۋستريا جانە ينفراقۇرىلىمدىق دامۋ مينيسترلىگىنىڭ جول كارتاسى اياسىندا «ونەركاسىپتى دامىتۋ قورى» اق ليزينگتىك قارجىلاندىرۋ تەتىگى ەسەبىنەن ەلىمىزدە بيىل ۇزىن سانى 1167 سانيتارلىق اۆتوكولىكتى جاڭارتۋ جوسپارلانعان.
