كەشە تاڭەرتەڭنەن باستاپ استانادا اۋا رايى كۇرت بۇزىلدى. سودان ءبىر كۇن عانا بۇرىن ءبىرشاما جىلىلىق تانىتىپ, اسپانىنان جاڭبىر سەبەلەپ تۇرعان ەلوردانىڭ تابيعاتى ەرتەڭىنە ادام تانىماستاي بولىپ وزگەرىپ شىعا كەلدى. جەل كوتەرىلىپ, اقتۇتەك بوران ۇيىتقىدى.
كەشە تاڭەرتەڭنەن باستاپ استانادا اۋا رايى كۇرت بۇزىلدى. سودان ءبىر كۇن عانا بۇرىن ءبىرشاما جىلىلىق تانىتىپ, اسپانىنان جاڭبىر سەبەلەپ تۇرعان ەلوردانىڭ تابيعاتى ەرتەڭىنە ادام تانىماستاي بولىپ وزگەرىپ شىعا كەلدى. جەل كوتەرىلىپ, اقتۇتەك بوران ۇيىتقىدى.
ونىڭ كۇشتى بولعانى سونداي, بەيبىتشىلىك جانە كەلىسىم سارايى الدىنداعى جاڭاجىلدىق شىرشا قوندىرىلعان ورنىنان ۇشىپ كەتتى. وسى ارالىقتا توتەنشە جاعدايلار مينيسترلىگىنەن اۋا رايى جاعدايىنىڭ كۇرت ناشارلاپ كەتۋىنە بايلانىستى اۆتوكولىكتەردىڭ بارلىق تۇرلەرىنىڭ ەلوردادان سىرتقا قاراي شىعۋلارىنا تىيىم سالىنعانى حابارلاندى. «اۋا رايىنىڭ بۇزىلۋىنا بايلانىستى استراحان تاس جولى, قورعالجىن تاس جولى, كوكشەتاۋ تاس جولى, قاراعاندى تاس جولى, روجدەستۆەنسكي جانە سوفيەۆسكي تاس جولى بويلارىندا بارلىق كولىك قۇرالدارى ءۇشىن قوزعالىس توقتاتىلدى», – دەلىنگەن وندا. سول سياقتى, مەكتەپ وقۋشىلارىنىڭ ساباقتارى توقتاتىلعان بولىپ شىقتى.
«قازگيدرومەت» مكك سينوپتيكتەرى جەلدىڭ كۇشى سەكونتىنە 14-15 مەتر جىلدامدىقتا بولعانىن مالىمدەدى. ال تۇنگە قاراي 18 مەترگە دەيىن باردى.
مۇرات ايتقوجا.
