اتاپ ايتقاندا, «SOVA» جانە «جانىم سول» كاراوكە بارى, «ALANYA» تۇنگى كلۋبى, «Echo» بارى, «ZOLOTO» مەيرامحاناسى مەن «ستوريس» لاۋندج-بارىنا قاتىستى دەرەكتەر. «Teqila» لاۋندج-بارىنا قاتىستى ەكى حاتتاما جولداندى.
«دەسە دە, «Teqila» لاۋندج بارى, «ZOLOTO» مەيرامحاناسى, «ALANYA» تۇنگى كلۋبى (ماناس كوشەسى, 9/1) كارانتين شارالارىن بۇزۋدى جالعاستىرۋدا. وتكەن دەمالىس كۇندەرى اتالعان وبەكتىلەرگە قاتىستى شاعىمدار قايتا كەلىپ ءتۇستى, جوسپاردان تىس تەكسەرۋلەر جۇرگىزىلدى, ولاردىڭ بارىسىندا تالاپ بۇزۋ فاكتىسى راستالدى. تەكسەرۋ ناتيجەلەرى بويىنشا ماتەريالدار قوسىمشا دالەل رەتىندە اكىمشىلىك سوتقا جىبەرىلەدى», – دەدى نۇر-سۇلتان قالاسىنىڭ باس مەملەكەتتىك سانيتارلىق دارىگەرى جاننا پىراليەۆا.
بۇدان بولەك, مەرەكە كۇندەرى «Mega Silk Way» سوو-دا «Kango» باتۋت ورتالىعىنا جانە تۇران داڭعىلى, 21 ۇيدەگى «Icon» كلۋبىنا قاتىستى قايتا شۇعىل حابارلامالار كەلىپ ءتۇستى. بۇعان دەيىن اتالعان نىساندارعا بۇزۋشىلىقتاردى جويۋ تۋرالى ەسكەرتۋ بەرىلگەن بولاتىن. وسى وبەكتىلەرگە قاتىستى نۇسقامانى ورىنداماعانى ءۇشىن, اكىمشىلىك قۇقىق بۇزۋشىلىق تۋرالى حاتتاما اكىمشىلىك سوتقا جىبەرىلەتىن بولادى.
ەستەرىڭىزگە سالا كەتەيىك, قالادا بيزنەس سۋبەكتىلەرىنە كارانتين جانە شەكتەۋ شارالارىنىڭ ساقتالۋىن قاداعالايتىن مونيتورينگ جۇرگىزىلۋدە. شىلدە ايىنان باستاپ وسى ۋاقىتقا دەيىن تالاپ بۇزعانى ءۇشىن 261 296 654 تەڭگە سوماسىنا جەكە, لاۋازىمدى جانە زاڭدى 1 297 تۇلعا اكىمشىلىك جاۋاپكەرشىلىككە تارتىلدى.
