ۋچاسكەلىك پوليتسيا ينسپەكتورلارى وبلىس ورتالىعىندا جالعا بەرىلەتىن 1800-گە جۋىق پاتەردى تەكسەرىپ, سالىق ورگاندارىنا تىركەلمەگەن 500-دەن استام پاتەر يەلەرىن انىقتادى. سونداي-اق تۇنگى تىنىشتىقتى بۇزعان 1500-دەن استام تۇلعا قر اكىمشىلىك قۇقىقبۇزۋشىلىق تۋرالى كودەكسىنىڭ 437-بابىمەن جاۋاپكەرشىلىككە تارتىلدى.
«پاتەرلەردى تاۋلىككە, ساعاتقا جالعا الۋشىلاردىڭ تۇنگى تىنىشتىقتى بۇزاتىنى تۋرالى جەرگىلىكتى تۇرعىنداردىڭ تاراپىنان شاعىم كوپ تۇسەدى. اتىراۋ قالاسىنىڭ سمپ شاعىن اۋدانىندا ورنالاسقان كوپ قاباتتى ۇيلەردىڭ بىرىندە تۇراتىن 33 جاستاعى ازامات كورشىلەرىنىڭ تۇنگى تىنىشتىقتى بۇزعانى جونىندە پوليتسياعا حابار بەردى. تەكسەرۋ كەزىندە پاتەردى تاۋلىككە جالعا العان 4 ازاماتشا انىقتالدى. ولارعا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 437-بابىمەن (ساعات تۇنگى 22:00-دەن تاڭعى 9:00-گە دەيىن تىنىشتىقتى بۇزۋ) اكىمشىلىك حاتتاما تولتىرىلىپ, ارقايسىسىنا 5 ايلىق ەسەپتىك كورسەتكىش كولەمىندە ايىپپۇل سالىندى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
