قالالىق كاسىپكەرلەر پالاتاسى جەلىسى بويىنشا جەكە جۇمىس جۇرگىزىلۋدە, ونىڭ ىشىندە قالا تۇرعىندارىن بيزنەس جۇرگىزۋ داعدىلارىنا ۇيرەتۋگە باعىتتالعان «باستاۋ بيزنەس» جوباسى دا بار.
- 2020 جىلى الماتى قالاسىنا 1 705 گرانت ءبولىندى, ونىڭ ىشىندە 818 گرانتتى 2019 جىلعى «باستاۋ بيزنەس» تۇلەكتەرى الدى. 2020 جىلى وسى جوبا بويىنشا 687 قاتىسۋشى گرانت الدى, باعدارلامانىڭ ءبىرىنشى باعىتى شەڭبەرىندە قىسقا مەرزىمدى كاسىپتىك وقۋدان وتكەن قاتىسۋشىلار 200 گرانت العان. اعىمداعى جىلدىڭ ناۋرىز-قىركۇيەك ايلارى ارالىعىندا «باستاۋ بيزنەس» جوباسى اياسىندا الماتىدا 2 600 ادام وقۋدى اياقتادى, 2 128 تىڭداۋشى وقۋدى اياقتاۋ تۋرالى سەرتيفيكات الدى, 472 تىڭداۋشى قاتىسقانى تۋرالى سەرتيفيكات الدى, دەپ مالىمدەدى اكىمدىكتىڭ ءباسپاسوز قىزمەتى.
سونىمەن بىرگە, اعىمداعى جىلى «باستاۋ بيزنەس» جوباسىنىڭ 1 334 تۇلەگى ءوز كاسىپكەرلىكتەرىن ىسكە قوسقان.
جەكە كاسىپكەر, «باستاۋ بيزنەس» جوباسىنىڭ تۇلەگى جيەنعالي جۇماعۇلوۆ مەملەكەتتىك باعدارلامالار اياسىندا كورسەتىلەتىن قولداۋ شارالارىنىڭ ارقاسىندا ەكى ايلىق وقۋدان كەيىن قوعامدىق تاماقتانۋ سالاسىندا ءوز ءىسىن قالاي اشقانىن ايتىپ بەردى.
«مەملەكەت تارىپانان جاستارعا كورسەتىلەتىن كومەك تۋرالى ينتەرنەتتەن ءبىلدىم. وقىتۋ بارىسىندا بيزنەس-ترەنەرلەر نەگىزگى وقۋدان باسقا, بىزگە جان-جاقتى كومەك كورسەتتى. ولار بىزگە ءار كەزەڭدە, بيزنەستى اشقانعا دەيىن قولداۋ كورسەتىپ ءجۇردى. قارجىلاندىرۋدى العاننان كەيىن, بىردەن ىسكە كىرىستىم, قۇرال-جابدىقتى ساتىپ الىپ, جۇمىستى باستادىم. ءبىزدىڭ ءدامحانامىزدا ءتۇرلى تاعام تۇرلەرى بار, تاپسىرىسپەن جەتكىزىپ تە بەرەمىز. بۇل سالادا باسەكەلەستىك جوعارى, بىراق ءبىزدىڭ باعالارىمىز قولجەتىمدى جانە تۇرعىندار اراسىندا سۇرانىس تا جوعارى», - دەدى ول.
كاسىپكەر مەملەكەت تاراپىنان شاعىن بيزنەستى سالىقتان بوساتۋ سياقتى شارالار شاعىن بيزنەسكە ايتارلىقتاي قولداۋ كورسەتەتىنىن اتاپ ءوتتى.
«باستاپقى اشىلعان كەزدە, ارينە, قيىن بولدى. كليەنتتەر ءبىز تۋرالى ءالى بىلمەيتىن, ونىمەن قوسا, ءوزىم ەكى جۇمىستا ىستەپ ءجۇردىم جانە تۇسكەن قارجىنى ءوز بيزنەسىمە سالدىم. بۇگىن مەن ەكىنشى نۇكتەنى اشىپ وتىرمىن. ءوز بيزنەسىن باستاعانداردىڭ بارىنە ايتارىم, قورقۋدىڭ قاجەتى جوق. سونداي-اق, كورسەتكەن قولداۋى ءۇشىن مەملەكەتكە العىسىمدى بىلدىرگىم كەلەدى», دەدى ج.جۇماعۇلوۆ.
