جاڭا فابريكانىڭ قۋاتتىلىعى جىلىنا 5 ملن توننا باستاپقى كەندى قۇرايدى. جازدا جەرگە قاتىستى بارلىق دايىندىق جۇمىستارى جۇرگىزىلدى. قۇرىلىس 2022 جىلدىڭ ءتورتىنشى توقسانىندا اياقتالادى.
ايتا كەتۋ كەرەك, 2014 جىلدان باستاپ گەولوگيالىق بارلاۋ جۇمىستارىنا 7 ملرد تەڭگەگە جۋىق ينۆەستيتسيا قۇيىلدى. گەولوگيالىق بارلاۋ ناتيجەلەرى بويىنشا باعالى مەتالدىڭ قورى 100 توننانى قۇرادى, ال رەسۋرستار JORC حالىقارالىق جىكتەمەسى بويىنشا 185 تونناعا باعالاندى. رايگورودوك كەن ورنىنىڭ الەۋەتى ءالى تولىق زەرتتەلگەن جوق. گەولوگيالىق بارلاۋ جۇمىستارى جانە ولارعا ينۆەستيتسيا سالۋ جالعاسۋدا.
"جاڭا فابريكا 1 100-دەن استام قازاقستاندىقتى تۇراقتى جۇمىسپەن قامتاماسىز ەتۋگە مۇمكىندىك بەرەدى, ال مەملەكەتتىك بيۋدجەتكە جيىنتىق سالىق اۋدارىمدارى جىلىنا 20 ملرد تەڭگەنى قۇرايدى. كومپانيا جىل سايىن ءوڭىردىڭ الەۋمەتتىك-ەكونوميكالىق دامۋى مەن ينفراقۇرىلىمىن جاقسارتۋعا 100 ميلليوننان استام تەڭگە بولەدى. مىسالى, كۇردەلى جوندەۋ جۇرگىزىلىپ, جاقىن ماڭداعى اۋىلدارداعى مەكتەپتەر جاراقتاندىرىلدى, اۋدان تۇرعىندارى ءۇشىن جاڭا ۇڭعىما بۇرعىلاندى, ششۋچە اۋدان ورتالىعى مەن دميتريەۆكا اۋىلى اراسىنداعى اۆتوجولدارعا جوندەۋ جۇرگىزىلدى", دەپ تولىقتىردى RG Gold باس ديرەكتورى لوۋرەنس روسسوۋ.
RG Gold ءوزىنىڭ قىزمەتىندە كورپوراتيۆتىك باسقارۋدىڭ, ەكولوگيالىق جانە الەۋمەتتىك جاۋاپكەرشىلىكتىڭ جوعارى تالاپتارىن ۇستانادى. كاسىپورىن ۋاكىلەتتى مەملەكەتتىك ورگاندارمەن جانە سىرتقى اۋديتورلارمەن بەلسەندى ءوزارا ءىس-قيمىل جاسايدى, سونداي-اق توقسان سايىنعى نەگىزدە اتموسفەرالىق اۋانى, سۋ رەسۋرستارىن, توپىراقتى جانە رادياتسيالىق فوندى زەرتتەۋدى قامتيتىن قورشاعان ورتانىڭ جاي-كۇيىنە مونيتورينگ جۇرگىزەدى. ەكولوگيالىق مونيتورينگ ناتيجەلەرى كومپانيا سايتىندا جاريالانادى. بارلىق قىزمەتكەرلەر ترەنينگتەردەن وتەدى جانە قاۋىپسىزدىك تەحنيكاسى بويىنشا ءتيىستى ەمتيحانداردى تاپسىرۋعا مىندەتتى.
فابريكانى جوبالاۋ مەن سالۋدىڭ بارلىق كەزەڭىندە اقمولا وبلىسى تۇرعىندارىنىڭ, جەرگىلىكتى اتقارۋشى بيلىك وكىلدەرىنىڭ جانە ەكوبەلسەندىلەردىڭ قاتىسۋىمەن جەتى قوعامدىق تىڭداۋ وتكىزىلدى, جەلتوقسان ايىنىڭ سوڭىندا تاعى بىرەۋى وتەدى. قوعامدىق تىڭداۋلاردىڭ بارلىق حاتتامالارى اقمولا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ سايتىندا جاريالانادى.
