سونداي-اق بۇل تسەحتا كۆاس تا دايىندالادى. اتالعان تسەحتى «اتىراۋ اگرو ونىمدەرى» جشس ىسكە قوستى. تسەح قۋاتى كۇنىنە 2 توننا الما, 1,5 توننا ليمون شىرىنى مەن 1,5 توننا كۆاس سۋسىنىن شىعارۋعا ەسەپتەلىپ وتىر.
– ءبىز المانىڭ 32 تۇرىنەن شىرىن شىعارامىز. الداعى جىلى 500 تونناعا دەيىن الما شىرىنىن شىعارۋ جوسپاردا تۇر. دايىن ءونىمدى ازىرگە تەك اتىراۋ وبلىسىندا تاراتامىز. كەيىن باتىس وڭىردەگى وبلىستار مەن رەسەي ەلىنە ەكسپورتتايمىز. ويتكەنى ەكولوگيالىق تازا ءونىمنىڭ جارامدىلىق مەرزىمى 14 كۇن بولعاندىقتان, الىسقا تاسىمالداۋ مۇمكىندىگى بولماي تۇر. ءونىمنىڭ 80 پايىزى كوكونىستەن دايىندالادى. ال 20 پايىزى – سۋ. مۇندا سۋ ءۇش رەت سۇزگىدەن وتەدى. تسەحتا ازىرگە 8 ادام جۇمىس ىستەيدى. كوكتەم, جاز مەزگىلىندە جۇمىسشىلار 60 ادامعا دەيىن كوبەيەدى. جۇمىسقا جەرگىلىكتى تۇرعىندار تارتىلادى. كەلەسى جىلدىڭ قاڭتارىندا گەرمانيادان تەحنولوگتار كەلىپ, ءبىزدىڭ ماماندارعا ءدارىس بەرەدى. وقىتۋ مەرزىمى ەكى ايعا سوزىلادى. وسىلايشا, قىزمەتكەرلەرىمىز جوعارى دارەجەدەگى مامان بولىپ شىعادى, – دەيدى تسەح تەحنولوگى تاميلا روزمەتوۆا.
جاڭا تسەحتى ىسكە قوسقان «اتىراۋ اگرو ونىمدەرى» سەرىكتەستىگى – اتىراۋ وبلىسىندا ازىق-ت ۇلىك بەلدەۋىن قالىپتاستىرۋدا ەرەكشە ۇلەسى بار كاسىپورىن. ەشكى سۇتىنەن قۇنارلى ءونىم تۇرلەرىن نارىققا ۇسىنىپ وتىرعان كاسىپورىن ەكولوگيالىق تابيعي تازا بال دا شىعارادى. قازىر كاسىپورىن جەرگىلىكتى 50 تۇرعىندى تۇراقتى جۇمىسپەن قامتىپ وتىر. بۇعان دەيىن 35 ادام ەشكى ءسۇتى زاۋىتىندا, 15 ادام الما باعىندا ەڭبەك ەتىپ كەلسە, ەندى شىرىن تسەحى ارقىلى تاعى 8 ادام تۇراقتى جۇمىسقا ورنالاسقان.
اتىراۋ وبلىسى
