21 جەلتوقساندا كۇشىنە ەنەتىن شقو باس مەملەكەتتىك سانيتار دارىگەرىنىڭ مىندەتىن اتقارۋشىنىڭ جاڭا قاۋلىسى بويىنشا جاڭا جىلدىڭ العاشقى تۇنىندە قوعامدىق تاماقتانۋ نىساندارىنا جۇمىس ىستەۋگە رۇقسات ەتىلەدى. الايدا بىرقاتار شەكتەۋ ءالى دە ساقتاۋلى.
"كوپشىلىك, جاڭا جىلدىق, ۇجىمدىق (كورپوراتيۆتىك) ءىس-شارالار, كونكۋرستار (ينتەراكتيۆتى ءىس-شارالاردان باسقا), بيلەردى وتكىزبەي ء(وز ۇستەلىنەن شىقپاي) ء بىر ۇستەلگە 4-6 ادامنان اسپايتىن مولشەردە وتىرعىزىپ, كورشىلەس ۇستەلدەردىڭ شەتكى ورىندارى اراسىندا كەمىندە 2 مەتر الەۋمەتتىك قاشىقتىقتى ساقتاي وتىرىپ جانە تولتىرىلۋىن وتىراتىن ورىندار سانىنىڭ 50 پايىزىنان اسىرماعان جاعدايدا 2020 جىلعى 31 جەلتوقساننان 2021 جىلعى 01 قاڭتارعا قاراعان ءتۇنى قوعامدىق تاماقتاندىرۋ وبەكتىلەرىنە ساعات 07.00-دەن 04.00-گە دەيىن جۇمىس ىستەۋگە رۇقسات ەتىلسىن", دەلىنگەن قاۋلىدا.
سونداي-اق, جاڭا قاۋلىعا سايكەس, شقو-دا جاپپاي ويىن-ساۋىق, سپورتتىق ءىس-شارالاردى, جاپپاي وتباسىلىق, سالتاناتتى, ەستەلىك ءىس-شارالاردى, ونىڭ ىشىندە ۇيدە وتكىزۋگە, ويىن-ساۋىق اگەنتتىكتەرىنىڭ جانە ۇيدە جاڭا جىلدىق ويىن-ساۋىق قىزمەتتەرىن كورسەتەتىن باسقا دا ۇيىمداردىڭ جۇمىسىنا تىيىم ساقتالادى.
الايدا كينوتەاترلار مەن تەاترلارلاردىڭ جۇمىسىنا رۇقسات بەرىلدى.
"تولتىرىلۋى 30 پايىزعا دەيىن, شاحمات ءتارتىبى بويىنشا وتىرعىزۋ كەزىندە زالداعى ادامدار سانى 100-دەن اسپاعان جاعدايدا رۇقسات ەتىلسىن", دەلىنگەن قاۋلىدا.
وڭىردە وسكەمەنگە كىرۋگە جانە شىعۋعا شەكتەۋ ساقتالادى.
