كولىكتەردە 16 ادام بولعان. وبلىستىق تجد ءباسپاسوز قىزمەتىنىڭ حابارلاۋىنشا, 18 جەلتوقسان كۇنى ساعات 22:00-دە پاۆلودار وبلىسىنىڭ اقتوعاي اۋدانىندا, اقجول اۋىلىنىڭ ماڭىندا اۋا رايىنىڭ قولايسىزدىعىنا بايلانىستى 6 جەڭىل اۆتوكولىك تۇرىپ قالعانى تۋرالى حابارلاما كەلىپ ءتۇستى.
وقيعا №15 ءورت ءسوندىرۋ بولىمىنەن 67 شاقىرىم قاشىقتىقتا بولعان. توتەنشە جاعداي ورنىنا جەكە قۇرامنان 8 ادام جانە 2 تەحنيكا جۇمىلدىرىلىپ, 16 ادام قۇتقارىلدى.
- بارلىق ازاماتتار مەديتسينالىق كومەككە مۇقتاج بولماعان. قۇتقارۋشىلاردىڭ جەدەل جانە ۇيلەسىمدى ارەكەتتەرىنىڭ ارقاسىندا ەشكىم زارداپ شەككەن جوق, دەدى دەپارتامەنت وكىلدەرى.
