وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى ءمالىم ەتكەنىندەي, وڭىردە 359 توسەكتىك 7 جۇقپالى اۋرۋلار ستاتسيونارى بار. سونداي-اق 185 توسەكتىك 4 كارانتيندىك ستاتسيوناردا كۇنى بۇگىن 44 ادام ەم الۋدا. جانساقتاۋ بولىمىندە 15 ادام جاتىر. وبلىستا رەزەرۆ رەتىندە 2028 توسەك (1253-ءى جۇقپالى اۋرۋلار, 775-ءى كارانتيندىك ستاتسيوناردا) ازىرلەنگەن.
سول سەكىلدى پنەۆمونياعا شالدىققان 132 ادام ستاتسيوناردا, 48-ءى امبۋلاتورلىق ەم الۋدا. كۇنى بۇگىن ءينۆازيۆتى ەمەس جاساندى تىنىس الۋ اپپاراتىنا 4, جاساندى تىنىس الۋ اپپاراتىنا 2, وتتەگى كونتسەنتراتورىنا 4, ورتالىقتاندىرىلعان وتتەگى كوزىنە 29 ادام قوسىلعان.
قىركۇيەك ايىنان بەرى وبلىستا 169 بالانىڭ كوروناۆيرۋسپەن اۋىرعانى تىركەلدى. قىركۇيەك ايىندا – 4, قازاندا – 5, قاراشادا – 102, جەلتوقساندا 44 بالا سىرقاتتاندى. 14 بالاباقشا تاربيەلەنۋشىسىنىڭ 12-ءسى قاراشادا, ەكەۋى جەلتوقساندا دەرتكە شالدىققان.
بالالاردىڭ بارلىعى وتباسى مۇشەلەرىنەن جۇقتىرعان. وبلىستىق سانيتارلىق-ەپيدەميولوگيالىق باقىلاۋ دەپارتامەنتىنەن تۇسكەن مالىمەتكە قاراعاندا, 1 جەلتوقساننان بەرى وڭىردە 669 ادامنان كوۆيد انىقتالدى. وبلىستا كوروناۆيرۋس جۇقتىرعان بارلىق ادامنىڭ 56,2 پايىزى (4912) ورال قالاسىنىڭ ۇلەسىنە تيەدى.
