ء«سۇي̆ىنشى حابار! قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ارناي̆ى جارلىعىمەن اۋەزوۆ تەاترىنا «ۇلتتىق« مارتەبەسى بەرىلدى. ەندى م.اۋەزوۆ اتىنداعى قازاق ۇلتتىق اكادەميالىق دراما تەاترى اتاندىق. قازاق تەاترىنىڭ قارا شاڭىراعى - اۋەزوۆ تەاترىنىڭ 95 جىلدىق تاريحى بار. تەاتر ونەرىنىڭ كوريفەي̆لەرىنىڭ ءىزى قالعان ونەر ۇجىمىن بۇگىنگى جەتىستىگىمەن شىن جۇرەكتەن قۇتتىقتاي̆مىز!», دەلىنگەن تەاتردىڭ Instagram پاراقشاسىندا جاريالانعان اقپاراتتا.
م.اۋەزوۆ اتىنداعى قازاق مەملەكەتتىك اكادەميالىق دراما تەاترى – تۇڭعىش ۇلتتىق مادەني-ساحنالىق ۇجىم. 1925 جىلدىڭ سوڭىندا سول كەزدەگى استانامىز قىزىلوردادا ۇيىمداستىرىلدى. تەاتر شىمىلدىعى رەسمي تۇردە 1926 جىلى 13 قاڭتاردا م.اۋەزوۆتىڭ «ەڭلىك-كەبەك» تراگەدياسىمەن اشىلدى. 1929 جىلى تەاتر ترۋپپاسى جاڭا استانا الماتىعا قونىس اۋداردى. 1937 جىلى اكادەميالىق تەاتر اتاعىن الدى. ال 1961 جىلى ونەر ۇجىمىنا كورنەكتى جازۋشى-دراماتۋرگ م.اۋەزوۆ ەسىمى بەرىلگەن.
