مەديتسينا • 19 جەلتوقسان، 2020

Covid-19: ەلىمىزدە ءۇش مىڭ ەرىكتىگە وتاندىق ۆاكتسينا ەگىلەدى

101 رەت كورسەتىلدى

قر پرەمەر-ءمينيسترى اسقار مامين جامبىل وبلىسى قورداي اۋدانىنىڭ گۆاردەيسكي كەنتىندەگى قر بعم بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا باردى، دەپ حابارلايدى Egemen.kz

بۇگىنگى تاڭدا عزي وتاندىق QazCovid-in ۆاكتسيناسىن كلينيكالىق سىناۋدىڭ I جانە II فازالارىن جۇرگىزدى. زەرتتەۋدىڭ الدىن الا ناتيجەلەرى ۆاكتسينانىڭ جوعارى قاۋىپسىزدىگىن، يممۋنوگەندىلىگىن جانە تيىمدىلىگىن 96% دەڭگەيىندە كورسەتتى.

دەنساۋلىق ساقتاۋ مينيسترلىگى ءۇش مىڭ ەرىكتىگە كلينيكالىق زەرتتەۋلەردىڭ قورىتىندى III كەزەڭىنىڭ باستالۋىن ماقۇلدادى. بۇگىندە العاشقى ەرىكتىلەر الماتى جانە تاراز قالالارىنىڭ كلينيكالارىندا، عزي-دا وتاندىق ۆاكتسينامەن ەگىلدى. 2020 جىلعى جەلتوقسان ايىنىڭ سوڭىنا دەيىن ءۇش مىڭ ەرىكتىنى ۆاكتسيناتسيالاۋ اياقتالادى. III كەزەڭدى وتكىزۋ ءۇشىن 10 مىڭ دوزا كولەمىندە ۆاكتسينانىڭ قاجەتتى پارتياسى شىعارىلادى.

12

«وتاندىق ۆاكتسينامەن جاپپاي ەگۋ 2021 جىلدىڭ ناۋرىز ايىندا باستالادى. ءبىرىنشى كەزەكتە ەرىكتى تۇردە مەديتسينا قىزمەتكەرلەرىنە، پەداگوگتەرگە، سونداي-اق سوزىلمالى اۋرۋلارمەن اۋىراتىن توپتاعى ادامدارعا ەكپە جاسالادى»، دەدى ا.مامين.

پرەمەر-مينيستر ۆاكتسينا شىعاراتىن بيوفارماتسەۆتيكا زاۋىتىنىڭ قۇرىلىسىمەن تانىستى. قۇرىلىس جۇمىستارى كەستەگە سايكەس جۇرگىزىلۋدە. زاۋىتتى 2021 جىلى ناۋرىز ايىندا پايدالانۋعا بەرۋ جوسپارلانىپ وتىر. ءوندىرىستىڭ قۋاتى جىلىنا 60 ملن دوزانى قۇرايدى.

75

ۇكىمەت باسشىسى يممۋنوبيولوگيالىق دارىلىك پرەپاراتتاردىڭ، ونىڭ ىشىندە كوروناۆيرۋس ينفەكتسياسىنا قارسى ۆاكتسينالاردىڭ وتاندىق ءوندىرىسىن قامتاماسىز ەتۋ ءۇشىن قر بعم بيولوگيالىق قاۋىپسىزدىك پروبلەمالارى عزي ماتەريالدىق-تەحنيكالىق بازاسىن ودان ءارى دامىتۋ مەن جاڭعىرتۋدىڭ ماڭىزدىلىعىن اتاپ ءوتتى.

پرەمەر-مينيستر عزي عىلىمي قىزمەتكەرلەرىنە ارنالعان 180 پاتەرلىك ءۇش ءۇيدىڭ قۇرىلىس الاڭىنا باردى. 60 پاتەرلىك العاشقى تۇرعىن ءۇي 2021 جىلى قاڭتار ايىندا پايدالانۋعا بەرىلەدى.

53

سوڭعى جاڭالىقتار

ۇقساس جاڭالىقتار