اتالمىش قاۋىمداستىقتىڭ توراعاسى الماسبەك سادىرباەۆتىڭ ايتۋىنشا, قازاقستان ەكونوميكاسىنىڭ دامۋىنا جالپى مالشىلار قاۋىمىنىڭ قوسىپ وتىرعان ەڭبەگى وراسان زور. بىراق ولار تۋرالى قوعامدا ايتىلا بەرمەيدى.
سول سەبەپتى «شوپان اتا» بايقاۋى ەڭ الدىمەن مالشىلار قاۋىمىنىڭ ابىرويىن ءوسىرۋدى كوزدەيدى. «اۋىلداعى شارۋا قاۋىمنىڭ مارتەبەسىن كوتەرۋ ارقىلى ءبىز جاس ۇرپاققا اتا كاسىپتى جالعاۋدىڭ ماڭىزدىلىعىن, مالشارۋاشىلىعىن دامىتۋدىڭ وزەكتىلىگىن ۇعىندىرامىز», دەيدى قاۋىمداستىق توراعاسى الماسبەك جۇمابەك ۇلى.
بايقاۋ بەس ءتۇرلى نوميناتسيادان تۇرادى. اتاپ ايتساق: 3-8 جاس بالالار اراسىنداعى سۋرەتشىلەر بايقاۋى, tik-tok جەلىسىندەگى بەينەكونتەنت بايقاۋى, مۇعالىمدەردىڭ باستاۋىش سىنىپتارعا ارناپ جازعان اشىق ساباق جوسپارى بايقاۋى, مۋرالدىڭ ەسكيزىنىڭ بايقاۋى جانە «مەنىڭ اتام – شوپان» تاقىرىبىندا ۆيدەو-ەستەلىك بايقاۋى.
جالپى جۇلدە قورى 1 ملن تەڭگەنى قۇرايتىن بايقاۋعا قاتىسۋشىلار سانى كۇن ساناپ ارتۋدا دەيدى اتالمىش شارانى ۇيىمداستىرۋشىلار.
