قاسىم-جومارت توقاەۆ اقوردا رەزيدەنتسياسىندا نۇر-سۇلتان, الماتى, شىمكەنت قالالارىنىڭ جانە وبلىستاردىڭ اكىمدەرىمەن كەڭەس وتكىزدى. جيىندا وڭىرلەردىڭ الەۋمەتتىك-ەكونوميكالىق دامۋ جانە مەملەكەتتىك باعدارلامالاردىڭ ورىندالۋ ماسەلەلەرى تالقىلاندى.
پرەزيدەنت بۇعان دەيىن بەرىلگەن تاپسىرمالاردىڭ اتقارىلۋى جايىنداعى اكىمدەردىڭ ەسەبىن تىڭدادى. قاسىم-جومارت توقاەۆ وبلىستاردىڭ جانە رەسپۋبليكالىق ماڭىزى بار قالالاردىڭ باسشىلارىنا پاندەميا جاعدايىندا حالىقتىڭ قاجەتتىلىگىن قامتاماسىز ەتۋ ماڭىزدى ەكەنىن اتاپ ءوتتى.
جيىن سوڭىندا مەملەكەت باسشىسى اكىمدەرگە ايماقتاردى دامىتۋدىڭ, حالىقتىڭ تۇرمىسىن جاقسارتۋدىڭ وزەكتى ماسەلەلەرىن شۇعىل شەشۋ, سونداي-اق, جۇمىسپەن قامتۋ جول كارتاسىن ءتيىستى دەڭگەيدە جۇزەگە اسىرۋ جونىندە بىرقاتار ناقتى تاپسىرما بەردى.
