جىل سوڭىندا كوروناۆيرۋستىڭ تارالۋىن بولدىرماۋ ءۇشىن بەلگيا شەكاراسىنان ءوتۋ ەرەجەلەرىن قاتاڭداتۋ تۋرالى شەشىم قابىلدانعان بولاتىن. ەندى بەلگياعا كىرگىسى كەلەتىن شەتەلدىك ازاماتتار COVID-19 ءۇشىن تەرىس ناتيجەلى تەست تاپسىرۋى كەرەك. جۇمىسقا باراتىن ادامدار ءۇشىن كەيبىر ەرەكشەلىكتەر جاسالادى.
48 ساعاتتان استام ۋاقىت بويى شەتەلدە بولعان بەلگيانىڭ كەز كەلگەن تۇرعىنى «جۇقتىرۋ قاۋپى جوعارى ادام رەتىندە قاراستىرىلادى جانە جەتى كۇن ىشىندە كارانتيندە بولۋى كەرەك. بۇدان بولەك, جولاۋشىلاردى ىزدەۋدىڭ ارنايى نىسانىن تولتىرۋدىڭ مىندەتتى ءراسىمى بەلگىلەنەدى. بەلگيا ۇكىمەتى جوعارىدا اتالعان ەرەجەلەردى قاتاڭ تەكسەرۋگە ۋادە بەرەدى.
«بۇگىنگى تاڭدا تاۋلىگىنە جاڭا ينفەكتسيا جۇقتىرعاندار سانى سەگىز اپتا بۇرىنعىدان 10 ەسەگە از. ويتكەنى ءبىز ءبارىمىز بەلگىلەنگەن ەرەجەلەردى ساقتادىق. الايدا ەلدە ۆيرۋس جۇقتىرعاندار سانىنىڭ باياۋلاي باستاعانىن كورەمىز. بۇل كوروناۆيرۋستىڭ ءۇشىنشى تولقىنىنىڭ باستاۋى بولۋى مۇمكىن جانە ءبىز الدىن الۋىمىز كەرەك», دەدى بەلگيا پرەمەر-ءمينيسترى ا. كروو.
