مەرەكەلىك ماراپاتتاۋ راسىمىنەن كەيىن, اشىلۋ كەشى قر مەملەكەتتىك ۇرمەلى اسپاپتار وركەسترىنىڭ كونتسەرتىنە ۇلاسادى. فەستيۆالدىڭ ماقساتى - الەمدىك كلاسسيكالىق مۋزىكانىڭ ءھام ۇلى قازاق ونەرىنىڭ رۋحاني قاراشاڭىراعىنا اينالعان جامبىل اتىنداعى قازاق مەملەكەتتىك فيلارمونياسىنىڭ مەرەيتويىن اتاپ ءوتۋ جانە 85 جىل ىشىندە وسى ۇجىمدا ەڭبەك ەتكەن ۇلى ەسىمدەردى ۇلىقتاپ, مۋزىكا ونەرىنىڭ وزىق ۇلگىلەرىن ناسيحاتتاۋ.
ايتا كەتەيىك, جامبىل اتىنداعى قازاق مەملەكەتتىك فيلارمونياسى 1935 جىلدىڭ 14 قاڭتارىندا قۇرىلعان. تۇڭعىش ديرەكتورى جانە كوركەمدىك جەتەكشىسى بولىپ مۋزىكاتانۋشى, عالىم, كومپوزيتور, ديريجەر, قازاقستاننىڭ حالىق ءارتيسى, اكادەميك احمەت قۋان ۇلى جۇبانوۆ قىزمەت اتقارعان.
سول كۇننەن بەرى 85 جىل كولەمىندە فيلارمونيا ەلىمىزدەگى ەڭ ءىرى مادەني ورتالىقتاردىڭ بىرەگەيى ءارى الماتى قالاسىنىڭ تاريحي ساۋلەتتى عيماراتى.
