كوروناۆيرۋس ينفەكتسياسىن جۇقتىرعانداردىڭ سانىنىڭ وسۋىنە بايلانىستى, 2020 جىلدىڭ 31 جەلتوقسانى كۇنگى كەشكى ساعات 21.00-دەن, 2021 جىلدىڭ 4 قاڭتار كۇنگى تاڭعى ساعات 05.00-گە دەيىن ەل اۋماعىندا حامامدار, ساۋنالار, باسسەيندەر, سپورت زالدارىنىڭ جۇمىسىنا تىيىم سالىنادى.
اتالعان قىزمەت كورسەتۋ ورىندارى جۇمىس ىستەۋلەرىن بۇگىننەن باستاپ توقتاتتى. ساۋدا ورتالىقتارىنا كەلۋشىلەردىڭ بەلگىلى ءبىر سانىنا جانە تەك تسيفرلىق كود بويىنشا عانا كىرۋىنە رۇقسات ەتىلگەن. بۇدان بۇرىن تۇركيادا كافەلەر مەن مەيرامحانالار ءۇشىن وزىمەن الىپ كەتۋ قىزمەتىنەن باسقا قىزمەت تۇرلەرىنە شەكتەۋلەر ەنگىزىلگەن بولاتىن.
نيدەرلاندى كورولدىگى بەس اپتا بويى جالپى وقشاۋلاۋ رەجيمىنە كوشەدى. مەملەكەتتە لوكداۋن 2020 جىلدىڭ 15 جەلتوقساندا ەنگىزىلىپ, 2021 جىلدىڭ 19 قاڭتارىنا دەيىن جالعاساتىن بولادى. ومىرلىك ماڭىزى بار ونىمدەردى ساتاتىن دۇكەندەردەن باسقا بارلىق دۇكەندەر جابىلادى.
مۇراجايلار مەن تەاترلار, ويىن-ساۋىق ساياباقتارى مەن حايۋاناتتار پاركتەرى, كازينو مەن ساۋنالار, سپورت زالدار, قوعامدىق تاماقتانۋ ورىندارى, شاشتارازدار, سۇلۋلىق سالوندارى مەن تاتۋ-سالوندارى ءوز جۇمىسىن توقتاتادى. مەكتەپتەر مەن ۋنيۆەرسيتەتتەر ەرتەڭنەن باستاپ قاشىقتىقتان وقىتۋعا كوشىرىلەدى. ۇكىمەت ەل ازاماتتارىنا ۇيلەرىنەن قاجەتسىز شىقپاۋعا جانە قوناقتاردى قابىلداماۋعا شاقىردى. مۇنداي قاتاڭ شارالار كوروناۆيرۋستى جۇقتىرعاندار سانىنىڭ كۇرت وسۋىنە بايلانىستى قابىلدانىپ وتىر.
