سۋرەتتى تۇسىرگەن رافحات حالەلوۆ
قادىر مىرزا ءالي اتىنداعى باتىس قازاقستان وبلىستىق مادەنيەت جانە ونەر ورتالىعى, ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ وڭىرلىك فيليالى مەن ورال قالاسىنىڭ اكىمدىگى, ورال قالاسىنىڭ اقپاراتتىق-تالداۋ جانە جاستارمەن جۇمىس جونىندەگى رەسۋرستىق ورتالىقتىڭ ۇيىمداستىرۋىمەن وتكەن ايتىسقا اقىن باۋىرجان حاليوللا, قازاقستان جازۋشىلار وداعىنىڭ مۇشەسى, قازاقستان رەسپۋبليكاسى مادەنيەت سالاسىنىڭ ۇزدىگى ۇستاز, اقىن داريعا مۇشتانوۆا, بەلگىلى ايتىس اقىنى, ارداگەر ۇستاز, جۇبانتانۋشى ۇزىلدىك ەلەۋبايقىزى, ۇستاز-اقىن, «اقبەرەن» جاس اقىندار مەكتەبىنىڭ جەتەكشىسى تالاپ تايماس ۇلى, بەلگىلى ايتىسكەر اقىن قازاقستان رەسپۋبليكاسى مادەنيەت سالاسىنىڭ ۇزدىگى ەرىكقالي احمەتوۆ, بەلگىلى ايتىس اقىنى, جۋرناليست, «جايىق پرەسس» مەدياحولدينگى اقپارات اگەنتتىگىنىڭ باس رەداكتورى ەرتاي بيمۇحانوۆ قازىلىق ەتتى.
ايتىس شارتى بويىنشا ورىنبەك مەڭدىقۇل, مۇرادىم ميرلانوۆ, اينابەك بيسەنعاليەۆ, جارقىنبەك شىنتاەۆ, بەكبولات قالەنوۆ سىندى تانىمال اقىندار وسى ونەرگە جاڭا قادام باسقان جاستارمەن جۇپ قۇرادى. قازىلار تەك جاس اقىنداردىڭ ونەرىن باعالادى. ناتيجەسىندە ايماقتىق ايتىستىڭ باس جۇلدەسىن قاراتوبەلىك رايىمبەك وتەپوۆ پەن ورالدىق ءادىل احمەتوۆ ءبولىستى. اقتوبە قالاسىنان كەلگەن ساعىنىش سمەت پەن تەرەكتىلىك نۇردانا تەمىر ءىى ورىنعا يە بولدى. سىرىمدىق نۇرىم امانگەلدى مەن اقجايىقتىق ابزال ناۋرىزعالي ءۇشىنشى ورىنعا تۇراقتادى. جاس اقىندار باعالى سىيلىقتارمەن ماراپاتتالدى. ايتىسقا ورال قالاسىنىڭ اقپاراتتىق-تالداۋ جانە جاستارمەن جۇمىس جونىندەگى رەسۋرستىق ورتالىقتىڭ باسشىسى دۋلات جۇسىپقاليەۆ, «Marhaban» شىعىس اسحاناسى كافەسىنىڭ يەسى اسەت سۇلتان ۇلى, جەكە كاسىپكەرلەر ايبات مىرزاعاليەۆ پەن ازامات امانگەلدى ۇلى دەمەۋشىلىك جاسادى.
ءىس-شارا سوڭىندا ورال قالاسى اكىمىنىڭ ورىنباسارى باقىتجان نارىمبەتوۆ ساحناعا شىعىپ, ايتىستى ۇيىمداستىرۋشىلارعا شاھار باسشىسى اتىنان العىسحات پەن ەستەلىك سىيلىق تابىس ەتتى.
باتىس قازاقستان
