بۇگىن شىمكەنت قالاسىنىڭ تاريحى مەن مادەنيەتى جانە تۋريستىك كورىكتى جەرلەرى تۋرالى اقپارات قامتىلعان كىتاپتىڭ online تۇساۋكەسەرى ءوتتى. تۇساۋكەسەر راسىمىنە شىمكەنت قالاسى اكىمىنىڭ ورىنباسارى ماقسۇت يساحوۆ, ستيۆەنيدج قالاسىنىڭ مەرى براۋن دجيم, قر cىرتقى ىستەر مينيسترلىگى حالىقارالىق اقپارات كوميتەتىنىڭ توراعاسى اسقار ءابدىراحمانوۆ, قر ۇلىبريتانيا جانە سولتۇستىك يرلانديا بىرىككەن كورولدىگىندەگى ەلشىلىگىنىڭ ءبىرىنشى حاتشىسى رۇستەم تاجەنوۆ پەن «Hertfordshire Press» باسپا ءۇيىنىڭ ديرەكتورى مارات احمەدجانوۆ قاتىستى.
وسىعان دەيىن دە اعىلشىندىق ستيۆەنيدج قالاسىنىڭ مەرياسىندا «شىمكەنت» حوللى اشىلعان بولاتىن. ءوز كەزەگىندە, شىمكەنت قالاسى اكىمدىگىنىڭ جاۋاپتى سىيى رەتىندە قالادا قۇرىلىپ جاتقان جاڭا «تۋريستىك اقپاراتتىق ورتالىعى» عيماراتىندا «ستيۆەنيدج» بۇرىشىنىڭ اشىلۋى, شىمكەنت جانە ستيۆەنيدج قالالارى تۋرالى بىرلەسكەن كىتاپ شىعارۋ, ناۆيگاتسيالىق كورسەتكىشتەر ورناتۋ جوسپارلانۋدا.
Hertfordshire Press - بۇل بۇكىل الەمدەگى اعىلشىن ءتىلدى وقىرمانداردى ەۋرازيامەن ايماق اۆتورلارىنىڭ كىتاپتارىن, جۋرنالدارىن, نۇسقاۋلىقتارىن باسىپ شىعارۋ جانە ادەبي فەستيۆالدەر مەن فورۋمدار وتكىزۋ ارقىلى بىرىكتىرەتىن ەرەكشە باسپا. باسپا كاتالوگىندا 15 ەلدەن كەلگەن اۆتورلاردىڭ 200-دەن استام تۋىندىسى بار, ال جالپى تارالىمى ميلليون دانادان استام.
