بايقاۋعا قاتىسۋ ءۇشىن ەسكەندىروۆتەر وتباسىنا «قولدى دەزينفەكتسيالاۋ – دەنساۋلىق كەپىلى» اتتى تاقىرىپ ۇسىنىلعان بولاتىن. ولار انتيسەپتيك دوزاتورىنىڭ باتىرماسىن باساتىن ماشينانىڭ جوباسىن قۇراستىرىپ شىقتى.
«نازارباەۆ زياتكەرلىك مەكتەبىنىڭ مۇعالىمدەرى حابارلاسىپ, بايقاۋعا قاتىسۋعا ۇسىنىس جاسادى. ءبىز بىردەن كەلىسىم بەردىك. بايقاۋ ينجەنەرلىك-تەحنيكالىق سالاعا قاتىستى بولعاندىعىنا قىزىقتىق. شەبەرحانا تسەحىنا قالقانعا تاپسىرىس بەردىك. مەتالل شارلاردى تاۋىپ الدىق. قالعانى – قولدا بار قۇرالدار», دەيدى جەڭىمپاز وقۋشىنىڭ اكەسى جاسۇلان ەسكەندىروۆ.
جاس ونەرتاپقىشتىڭ ايتۋىنشا, ولاردىڭ كومانداسى «كۇن كۇركىرەۋ, گۇرىل جانە نايزاعاي» دەپ اتالدى. ىسكە قوسۋ كەزىندە جوبانىڭ نەگىزگى بولشەگى سانالاتىن شار قوزعالادى. سودان سوڭ اينالىپ, نايزاعايدىڭ كۇركىرەگەنىندەي داۋىس شىعادى. ءاليدار مەن اكەسىنىڭ ايتۋىنشا, بۇل جوبانى دايىنداۋعا بىرنەشە كۇن كەتكەن.
ء«بىز ولاردىڭ بەينەروليكتەرىن كوردىك. وزىمىزگە كەيبىر يدەيالاردى الدىق. وزگەرتۋ ەنگىزدىك. يدەيانى ويلاپ تاپقان – مەن, جۇزەگە اسىرعان – اكەم», دەيدى بايقاۋ جەڭىمپازى ءاليدار ەسكەندىروۆ.
ايتا كەتەيىك, روبوتوتەحنيكاعا قىزىعۋشىلىعى ەرتە ويانعان ءاليدار بولاشاقتا ينجەنەر, ونەرتاپقىش بولۋدى ارماندايدى.
