ورتتەن كەلگەن ماتەريالدىق شىعىن ميلليونداپ سانالادى. تۇرعىنداردىڭ سالعىرتتىعىنان 149 ءورت وقيعاسى بولعان. كوپ رەتتە پەش جانە باسقا دا جىلىتۋ قۇرالدارىن ورناتقان كەزدە ءورت قاۋىپسىزدىگى ەرەجەلەرى بۇزىلعان, دەيدى ماماندار. ماس كۇيىندە توسەكتە جاتىپ تەمەكى شەگۋدىڭ سالدارىنان ءورت شىعاتىن جاعداي دا كەزدەسەدى. بىلتىر جىلۋ بەرۋ ماۋسىمىندا ءتىلسىز جاۋدان 15 ادام قازا تاپقان.
«2000 جىلدان بەرى مەملەكەتتىك ءورت باقىلاۋ ورگاندارىنا جەكەمەنشىك ۇيلەردە تەكسەرۋ جۇرگىزۋگە تىيىم سالىنعان. دەپارتامەنت ماماندارى جىلۋ بەرۋ ماۋسىمى كەزىندە ۇگىت-ناسيحات جانە ءورتتىڭ الدىن الۋعا قاتىستى جۇمىستاردى بەلسەندى تۇردە جۇرگىزىپ وتىرادى. 130 مىڭنان استام ءۇيدى ارالاپ شىقتىق», دەيدى وبلىستىق توتەنشە جاعدايلار جونىندەگى دەپارتامەنتى باستىعىنىڭ ورىنباسارى ماناربەك شاپاعاتوۆ.
ايتۋىنشا, بۇل ىسكە ۆولونتەرلەر, ءوڭىردىڭ اۋديتورلىق ۇيىمدارى كوپ كومەك كورسەتىپ جاتىر. ءۇي-ءۇيدى ارالاۋ كەزىندە جىلىتۋ پەشتەرى مەن گاز باللوندارىن جانە ەلەكتر جۇيەلەرىن دۇرىس ورناتپاۋعا قاتىستى 20 مىڭعا جۋىق ورتكە قارسى تالاپتاردىڭ بۇزىلعاندىعى انىقتالعان.
سونىمەن قاتار الەۋمەتتىك جاعىنان از قامتىلعان وتباسىلارىنا ارنايى دابىلقاققىشتار ورناتۋعا قاتىستى جۇمىستار جۇرگىزىلىپ جاتىر. كۇنى بۇگىنگە دەيىن 2 مىڭنان استام وسىنداي قۇرىلعى ورناتىلعان. جىل سوڭىنا دەيىن تاعى دا 1 552 دابىلقاققىش ورناتۋ جوسپارلانىپ وتىر.
