شارادا شاھار باسشىسى جاستاردىڭ ساپالى ءبىلىم الۋى, عىلىممەن اينالىسۋى بۇگىنگى كۇننىڭ باستى تالابى ەكەنىنە توقتالىپ, زياتكەر شاكىرتتەردىڭ ءبىلىمىن شىڭداپ, ەل ءۇشىن قىزمەت ەتەتىندىگىنە زور سەنىم بىلدىرەتىندىگىن جەتكىزدى.
ۇلتتىق وليمپيادادا ۇزدىك شىققان وقۋشىنىڭ ءبىرى – اقنيەت قۋانىش. اقنيەت بۇعان دەيىن قىزىلوزەك اۋىلدىق وكرۋگىندەگى №39 ورتا مەكتەپتە ءبىلىم العان. ءبىلىم بايگەسىندەگى جەڭىسى ارقىلى بيىلدان باستاپ قالاداعى دارىندى بالالارعا ارنالعان №4 دارىن مەكتەبىندە ءبىلىمىن شىڭداۋعا مۇمكىندىك الدى. جيىندا ءوز قۋانىشىن بولىسكەن وليمپيادا جەڭىمپازى مۇنداي جەتىستىككە جەتۋىنە سەبەپكەر بولعان ءوز ۇستازدارىنا العىسىن ءبىلدىردى.
ايتا كەتەيىك, رەسپۋبليكالىق «مىڭ بالا» ۇلتتىق زياتكەرلىك وليمپياداسىنا ەلىمىزدەگى 5-6 سىنىپ وقيتىن بارلىق وقۋشى قاتىسىپ, باق سىنادى. اتالعان ءبىلىم بايگەسىندە قىزىلوردا قالاسىنا قاراستى اۋىلدىق ەلدى-مەكەندەردە ورنالاسقان 13 مەكتەپتىڭ ءبىلىم الۋشىلارى دا سىنعا ءتۇستى. وقۋشىلار وليمپياداسىنىڭ اقتىق كەزەڭىنە قىزىلوردالىق 31 وقۋشى جولداما الىپ, ونىڭ ىشىندە جەتەۋى جەڭىمپاز اتاندى. جەڭىمپازدار قالاداعى ءبىلىم ينوۆاتسيا ليتسەيى, ن.نازارباەۆ زياتكەرلىك مەكتەبى, دارىندى بالالارعا ارنالعان №4 دارىن مەكتەبىنە كونكۋرسسىز جولداما الدى. قازىر ەكى وقۋشى ءوز بىلىمدەرىن اتالعان ءبىلىم ۇيالارىندا شىڭداپ جاتسا, قالعان بەس وقۋشى مۇنداي مۇمكىندىككە 6 سىنىپتى اياقتاعان سوڭ يە بولماق.
جيىن سوڭىندا شاھار باسشىسى جىلدا قالادا جاڭا ءبىلىم وشاقتارى پايدالانۋعا بەرىلىپ, مەكتەپتەردىڭ ماتەريالدىق-تەحنيكالىق بازاسىن نىعايتۋدا ۇلكەن جۇمىستار جۇزەگە اسىرىلىپ جاتقانىن, مۇنىڭ بارلىعى جاس ۇرپاقتىڭ سانالى تاربيە مەن ساپالى ءبىلىم الۋىنا باعىتتالعان كەلەلى ىستەر ەكەنىن اتاپ ءوتىپ, ءبىلىم دوداسىندا دارالانىپ, جەڭىمپاز اتانعان 7 وقۋشىعا نوۋتبۋك بەرىپ, ديپلومدار تابىستادى.
