– تاۋەلسىزدىك ارقاسىندا شىمكەنت قالاسىنىڭ دامۋى جاڭا دەڭگەيگە كوتەرىلدى. ەلىمىز ەگەمەندىك العان جىلى شىمكەنتتە حالىق سانى 400 مىڭ ادام بولسا, بۇگىنگى كۇنى 1 ميلليون ادامنان استى. قالا اۋماعى كەڭەيىپ, 13 مىڭ گەكتاردان 116,3 مىڭ گەكتارعا دەيىن ۇلعايدى.
مۇرات دۇيسەنبەك ۇلى ءوز سوزىندە قالا بيۋدجەتى 1994 جىلعى 1,0 ملرد. تەڭگە بولسا, بۇگىنگى كۇندە 455 ملرد. تەڭگەدەن اسقانىن جەتكىزدى. قالا ەكونوميكاسىنا 2,6 ترلن-نان استام ينۆەستيتسيا باعىتتالعان. 1991 جىلدان بەرى 6,1 ملن شارشى مەتر جاڭا تۇرعىن ءۇي پايدالانۋعا بەرىلگەنىنەن دەرەك كەلتىردى.
“قول جەتكىزگەن تابىستارىمىزدىڭ بارلىعى – تاۋەلسىزدىكتىڭ, وسى جولدا جان اياماي تەر توككەن ازاماتتارىمىزدىڭ ەرەن ەڭبەگىنىڭ ناتيجەسى. قاشاندا ءتاۋ ەتەر تاۋەلسىزدىگىمىز تۇعىرلى, ەلدىگىمىز عۇمىرلى بولسىن, دەدى شاھار باسشىسى.
سالتاناتتى جيىندا “اسار” مولتەك اۋدانىنىنان 1200 ورىندىق جالپى ورتا مەكتەپ, ء“نۇرسات” مولتەك اۋدانىنان ءبىر اۋىسىمدا 700 ادامدى قابىلدايتىن «اتامەكەن» مەديتسينالىق ورتالىعىن جانە ءتۇستى مەتالل مەن ارماتۋرا شىعاراتىن ءوندىرىس ورنى ونلاين فورماتتا اشىلدى.
سونىمەن بىرگە, سالتاناتتى شارادا قر پرەزيدەنتىنىڭ جارلىعىمەن, مەملەكەتتىك جانە قوعامدىق قىزمەتتە سىڭىرگەن ەڭبەگى, ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن شىمكەنت قالاسىنىڭ 46 ازاماتى مەملەكەتتىك ناگرادامەن ماراپاتتالدى.
