ءادىل جازالارىن الدى

– وقيعا بولعان ساتتە قا­راق­­شىلار نىساناعا العان كاسىپكەر ايەل الماتىعا كەت­كەن بولىپ شىق­تى. ۇيدە كۇيەۋى مەن قىزى جانە 2 قىز­مەتشىسى قالعان ەكەن. ۇر­لىق­قا تۇسكەن ءۇيدىڭ اۋلا­­سىن­­داعى بەينەكامەرانى ىس­تەن شى­عارىپ, بولمەلەردەگى بەي­نە­قۇرىلعىلار تيۋنەرىن الىپ كەتكەندەردىڭ قىلمىسقا وتە مۇ­قيات دايىندالعانى انىق ەدى. بەتپەردە كيگەن التاۋدىڭ ءجۇ­زىن انىق كورگەن ەشكىم جوق. ءبىر دەرەك ايتادى دەگەن ءۇي يەسى ال­عان اۋىر جاراقاتىنان اۋرۋ­حانادا ءۇزىلىپ كەتتى. قولعاپ كي­گەندىكتەن كۇ­دىكتىلەردىڭ ساۋساق تاڭباسى ەش جەردەن تابىلمادى. ۇيدەگى باعا­لى بۇيىمدار مەن اقشانى قول­دى ەتكەندەر جابىرلەنۋشىگە 300 ملن تەڭگە كولەمىندە شى­عىن كەلتىرىپتى. ءبىز ءۇشىن ءبارى جۇمباق ەدى, سوندا دا ۇرلانعان زاتتاردى وسى ۇيدەگى Toyota Land Cruzer-200  بەن Lexus-570 مار­كالى كولىگىنە تيەگەن التاۋدى ىزدەۋدى جالعاستىرا بەردىك, – دەيدى قىزىلوردا وبلىسى پو­لي­تسيا دەپار­تامەنتى تەرگەۋ باس­قارماسى­نىڭ ءبولىم باستىعى, تەرگەۋ توبىنىڭ جەتەكشىسى, پوليتسيا پودپولكوۆنيگى اسقار جاۋەنوۆ.

كوشەدەگى بەينەكامەرا جازبالارى ارقىلى قىل­مىس بولعان مەزگىلدە سول ماڭ­نان وتكەندەرگە ساراپتاما جاساعان پوليتسەيلەرگە 2 تاكسي كولىگى كۇدىكتى كورى­نىپ­­تى. باسقا كوشەلەردەگى كا­مەرا­لار ار­قىلى وسى كولىكتەردى ىندەت­كەن قۇقىق قورعاۋشىلار ءىزدىڭ با­سى وزدەرى وتىرعان پوليتسيا دەپار­تامەنتى ماڭىنداعى جالدامالى پاتەرلەر ورنا­لاسقان اۋماقتان شىق­قا­نىن اڭعارادى. وسى جەردە التى ادامنىڭ كوشەدەن تاك­­سي توقتاتىپ, مەرسەدەس بەنتس 230 ە  مەن Nەحia ماركا­لى كولىكتەرگە ءبولىنىپ وتىر­عاندىعى بەلگىلى بولا­دى.

قانشا ءىزىن جاسىرعانمەن وسى التاۋ سول ماڭداعى دۇ­كەن­نىڭ اۋلاسىنداعى بەينە­كامەراعا ءتۇسىپ قالىپتى. ءتىپتى ولاردىڭ بىرەۋىنىڭ دۇ­كەننەن 6 قولعاپ, ەكى سكوتچ ورامىن العانى دا پو­ليتسەيلەر كۇدىگىن ودان ارى قويۋلاتا ءتۇستى.  قۇقىق قور­عاۋشىلارعا بەينەسى انىق كورىنىپ تۇرعان سول جىگىت قانقۇيلى قىلمىس تۋرالى دەرەكتىڭ ءجىبىن قول­عا ۇستاتارداي كورىنگەن. دۇ­كەننەن ساۋدا جاساعان ازامات بۇرىن سوتتالعان بولىپ شىقتى. جۇمىس ىستەمەسە دە اقشانى وڭدى-سولدى شاشىپ, ساۋنا مەن مەيرامحانادان شىقپايتىن ونىڭ ءار قادامىن اڭدۋعا كىرىستى.

– ۇستالعان ساتتە-اق كۇ­دىك­تى بۇلتارار جەر قال­ما­عا­نىن ءتۇسى­نىپ, قىلمىسقا بىر­گە بار­عان­دار تۋرالى ءبا­رىن ايتىپ بەر­دى. وسىدان كەيىن ءبارى دە بىر­تىندەپ قول­عا تۇسە باستادى. جابىر­لە­نۋ­­­شىنىڭ ەكى كولىگىن قالا سىر­­تىنا تاستاپ كەتكەن ولار ولجالارىن جاسىرىپ, كە­يىن سەيفتى لوم ارقىلى اش­قاندارىن ايتتى. ءبارى دە سوتتى بولعاندار ەكەن. تەر­گەۋ كەزىندە وسى توپتاعى ۇشەۋ­دىڭ وقيعا بولاردان ءسال بۇرىن قالاداعى تاعى ءبىر كاسىپ­كەردىڭ اۋلا­سىنداعى Toyota Land Cruzer-200 اۆ­توكولىگىن ۇرلاپ, 23 ملن  تەڭگە تۇراتىن كولىكتى تۇر­كىستان وبلىسى اۋماعىندا 5 ملن تەڭگەگە ساتىپ جىبەرگەنى دە بەلگىلى بولدى, – دەيدى تەر­گەۋ توبىنىڭ جەتەكشىسى.

تالايدى كورگەن پوليتسەي­لەردى تاڭقالدىرعانى وسى قىل­­مىستىق ءىستى ۇيىمداس­تىرىپ, باس­قارىپ جۇرگەن 19 جاستاعى جىگىت بولىپ شىق­­قانى ەدى. وب­لىستىق پو­­­لي­تسيا عيماراتى جانىنان پا­تەر جالداپ, سىبايلاس­تارىن جيناپ جۇرگەن دە سول ەكەن. بۇرىن ۇرلىق ءۇشىن سوتتى بولعان ول قىلمىسقا باراردا جانىنداعىلارعا  ۇيالى تەلە­فوندارىن تاستاتىپ كە­تىپتى.

قالاداعى كوللەدجدەردىڭ بى­رىندە وقىعان جاس جىگىت كەزىن­دە كاسىپكەر ايەلگە قا­راس­تى مەي­رام­­­حانالاردىڭ بىرىندە دايا­شى بولعان ەكەن. باستىعىنىڭ ۇيى­نە كەلگەن قوناقتارعا قىزمەت كور­سەتە ءجۇرىپ ءبارىن زەرتتەگەن بو­لىپ شىقتى. قىلمىس جاسا­عان­نان كەيىن الماتىعا كەتكەن ول وسى توپتاعىلاردىڭ ىشىن­دە ەڭ سوڭعىسى بولىپ قول­عا ءتۇس­تى. تەرگەۋدە باسقا سىبايلاس­تا­رى­نا 2 ملن تەڭ­گەدەن ءبولىپ بەر­گەن توپ باس­شىسىنىڭ كوپ قار­جىنى ءوزى يەمدەنگەنى دە بەل­گىلى بول­دى. اككى ۇرى 2 كيلو ال­تىن بۇيىمدارىن وبلىس ور­تالىعىنداعى سارقىراما كا­نا­لىنىڭ جيەگىنە كومىپ كەت­كەن جەرىن دە كورسەتتى. جابىر­­لەنۋشىگە كەلگەن شى­عىن­نىڭ كوپ بولىگى وتەلدى. 

تىڭعىلىقتى تەرگەلگەن قىل­مىس­تىق ءىس سوتقا جەتىپ, جەڭىل ول­جاعا قۇنىققان 6 قىلمىسكەر ءادىل جازالارىن الدى.

قىزىلوردا