2021 جىلدىڭ 1 قاڭتارىنان باستاپ 38,5 مىڭنان استام مەملەكەتتىك مەكەمەلەردەگى الەۋمەتتىك جۇمىسشىلاردىڭ جالاقىسى وسپەك.
نەگىزىنەن:
• ستاتسيونارلىق (قارتتار مەن مۇگەدەكتەرگە ارنالعان ۇيلەر) جانە جارتىلاي ستاتسيونارلىق ۇلگىدەگى مەديتسينالىق-الەۋمەتتىك مەكەمەلەردە;
•ۋاقىتشا بولۋ مەكەمەلەرىندە ء(تۇرلى وڭالتۋ ورتالىقتارى)
ىستەيتىن نەگىزگى جۇمىسشىلار مەن باسشىلىق قۇرامنىڭ, سونداي-اق ۇيدە قىزمەت كورسەتەتىن الەۋمەتتىك قىزمەتكەرلەردىڭ جالاقىسى وسەدى.
الداعى جىلدىڭ 1 قاڭتارىنان باستاپ الەۋمەتتىك قىزمەتكەرلەر ءۇشىن جالاقى 1,5 ەسەگە, 2022 جىلعى 1 قاڭتاردان باستاپ اعىمداعى ماننەن 1,75 ەسەگە, ال 2023 جىلى 2 ەسەگە وسەدى.
– بۇل جىل بارلىعىنا قيىن بولدى. ءبىزدىڭ الەۋمەتتىك قىزمەتكەرلەر مەكەمەلەردە ءىس جۇزىندە تۇرىپ, ەرەكشە كونتينگەنتپەن جۇمىس جاسادى. ءبىز ولاردىڭ ەڭبەگىن باعالايمىز جانە ولاردىڭ ماڭىزدىلىعىن تۇسىنەمىز. بۇل شارا الەۋمەتتىك سالاعا مامانداردى تارتۋعا, قىزمەتكەرلەردىڭ تاپشىلىعىن ازايتۋعا جانە كادرلىق جاعدايدى تۇراقتاندىرۋعا مۇمكىندىك بەرەدى دەپ ۇمىتتەنەمىز, – دەپ اتاپ ءوتتى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.
