پولشادا قازاقستان ەلشىلىگىنىڭ قولداۋىمەن اباي قۇنانباي ۇلىنىڭ 175 جىلدىعىنا ارنالعان “اباي فيلوسوفياسى, پوەتيكا, رەتسەپتسيا” اتتى حالىقارالىق عىلىمي سەمينار ءوتتى. “اباي وقۋلارى” عىلىمي سەمينارى – سلۋپسك قالاسىنداعى پومەرانيا اكادەمياسىندا اباي اتىنداعى قازاق مادەنيەتى مەن عىلىمى ورتالىعىندا جىل سايىن وتكىزىلەتىن حالىقارالىق ءىس-شارا رەتىندە وتكىزىلۋدە.
كەزدەسۋ ونلاين فورماتىندا اباي اتىنداعى قازاق ۇلتتىق پەداگوگيگالىق ۋنيۆەرسيتەتى جانە ونىڭ كوپ جىلدىق سەرىكتەسى پومەرانيا اكادەمياسىمەن بىرلەسە قازاقستان, پولشا, قىرعىزستان جانە ۋكراينا اكادەميالىق توپتارىنىڭ وكىلدەرىنىڭ قاتىسۋىمەن ۇيىمداستىرىلدى.
ەلشى ءالىم قيراباەۆ كىرىسپە سوزىندە ابايدىڭ قازاقستان حالقى ءۇشىن ەرەكشە رۋحاني ءرولىن اتاپ ءوتىپ, قازىرگى الەم جاعدايىندا ونىڭ نۇسقاۋلارىنىڭ وزەكتىلىگىن اتاپ ءوتتى.
حالىقارالىق سەمينار بارىسىندا قاتىسۋشىلار “اباي شىعارماشىلىعىن زەرتتەۋدىڭ لينگۆيستيكالىق اسپەكتىلەرى”, “رۋحاني جانە مادەني قۇندىلىقتاردى دامىتۋداعى ابايدىڭ ۇلەسى مەن ءرولى”, “قارا سوزدەر” فيلوسوفيالىق ويلارىنىڭ ءمانى مەن ماعىناسى “ جانە ت.ب. تاقىرىپتاردا عىلىمي باياندامالار جاسادى
